يتاليا پرەمەر-ءمينيسترى دجوردجيو مەلونيدىڭ قازاقستانعا جوسپارلانعان ساپارى, سونداي-اق ءبىرىنشى ورتالىق ازيا-يتاليا ءسامميتى كەيىنگە شەگەرىلدى. بۇل تۋرالى پرەزيدەنتتىڭ كەڭەسشىسى-ءباسپاسوز حاتشىسى رۋسلان جەلدىباي ايتتى, دەپ حابارلايدى Egemen.kz.
ونىڭ ايتۋىنشا, يتاليا پرەمەر-ءمينيسترىنىڭ جاڭا ساپارى ەكى جاق تاراپپەن كەلىسىلىپ جاتىر.
«يتاليالىق تاراپتىڭ ءوتىنىشى بويىنشا ريم پاپاسى فرانتسيسكتىڭ قايتىس بولۋىنا, ازا تۇتۋ شارالارىنا قاتىسۋىنا بايلانىستى يتاليا پرەمەر-ءمينيسترى دجوردجي مەلونيدىڭ قازاقستانعا جوسپارلانعان ساپارى جانە ءبىرىنشى ورتالىق ازيا-يتاليا ءسامميتى كەيىنگە شەگەرىلدى», دەدى ر.جەلدىباي.
بۇعان دەيىن اقوردانىڭ ءباسپاسوز قىزمەتى دجوردجي مەلونيدىڭ قازاقستان پرەزيدەنتى قاسىم-جومارت توقاەۆتىڭ شاقىرۋىمەن ءساۋىردىڭ 26-27-ءسى ارالىعىندا كەلەتىنىن حابارلاعان ەدى. تاراپتار قازاقستان-يتاليا ستراتەگيالىق ارىپتەستىگىنىڭ دامۋ پەرسپەكتيۆالارىن تالقىلاۋدى جوسپارلادى.
ءبىرىنشى ورتالىق ازيا-يتاليا ءسامميتى 27 ساۋىردە وتەدى دەپ جوسپارلانعان ەدى.