پرەزيدەنتتىڭ «نۇرلى جول – بولاشاققا باستار جول» حالىققا جولداۋى اياسىندا اگروونەركاسىپ كەشەنىنە يننوۆاتسيالىق تەحنولوگيانى ەنگىزۋ» تاقىرىبى بويىنشا اقمولا وبلىسىندا پارلامەنت سەناتى «ءوڭىر» دەپۋتاتتىق توبىنىڭ كوشپەلى وتىرىسى بولدى.
وتىرىستى اشقان پارلامەنت سەناتى «ءوڭىر» دەپۋتاتتىق توبىنىڭ جەتەكشىسى ميحايل بورتنيك مەملەكەت باسشىسى ن.نازارباەۆتىڭ «نۇرلى جول – بولاشاققا باستار جول» قازاقستان حالقىنا جولداۋىندا ەلىمىزدىڭ ەكونوميكالىق ساياساتىنىڭ نەگىزگى باعىتتارى بەلگىلەنگەنىنە نازار اۋداردى. باعدارلامالىق قۇجاتتا ەلباسى ەلىمىزدىڭ ازىق-ت ۇلىك قاۋىپسىزدىگى ماسەلەلەرىن شەشۋگە مۇمكىندىك بەرەتىن داعدارىسقا قارسى جاڭا شارالاردىڭ ءبىرى رەتىندە اگروونەركاسىپ كەشەنىن مەملەكەتتىك قولداۋدى ۇلعايتۋ قاجەتتىگىن اتاپ ءوتتى.
«تابيعي جاعدايلارعا, ەنەرگيامەن جابدىقتالۋعا, مەملەكەتتىڭ قارجىلاي قولداۋىنىڭ كولەمىنە, باسەكەلەستىكتىڭ اسەرىنە بايلانىستى – وسى جانە باسقا دا كوپتەگەن ماسەلەلەردىڭ ءبارى, اسىرەسە, قازىرگى كەزدەگى ەاەو اياسىندا جانە قازاقستاننىڭ دۇنيەجۇزىلىك ساۋدا ۇيىمىنا ەنۋى قارساڭىندا ءبىزدىڭ اۋىل شارۋاشىلىعى ونىمدەرىن وندىرۋشىلەرگە اسەر ەتەدى. سوندىقتان يننوۆاتسيالىق تەحنولوگيانى ەنگىزۋ ماسەلەلەرىنىڭ قازاقستاندا قازىرگى زامانعى باسەكەگە قابىلەتتى اگروونەركاسىپ كەشەنىن قالىپتاستىرۋعا ىقپالى بار», – دەدى م.بورتنيك.
اگروونەركاسىپ كەشەنىن دامىتۋ تۋرالى اقمولا وبلىسى اكىمىنىڭ ءبىرىنشى ورىنباسارى ق.وتاروۆ, اگروونەركاسىپ كەشەنىنە يننوۆاتسيالىق تەحنولوگيالاردى ەنگىزۋ ماسەلەلەرى تۋرالى اۋىل شارۋاشىلىعى ءمينيسترىنىڭ ورىنباسارى ە.كوشەرباەۆ, «اگرارلىق زەرتتەۋلەر ۋنيۆەرسيتەتى: ءبىلىم بەرۋ مەن عىلىمعا قازىرگى كوزقاراستار» تاقىرىبى بويىنشا س.سەيفۋللين اتىنداعى قازاق اگروتەحنيكالىق ۋنيۆەرسيتەتى باسقارماسى توراعاسىنىڭ ورىنباسارى س.موگيلنىي, سونداي-اق, اۋىل شارۋاشىلىعى مەكەمەلەرىنىڭ جەتەكشىلەرى ءسوز سويلەدى.
كوشپەلى وتىرىس اياسىندا سەناتورلار «استراحان برويلەر قۇس فابريكاسى» جشس-ىندە جانە كوپسالالى «باستاۋ» جشس-ىندە بولىپ, وندىرىسكە يننوۆاتسيالىق تەحنولوگيانىڭ ەنگىزىلۋىمەن تانىستى.
باقبەرگەن امالبەك,
«ەگەمەن قازاقستان».
اقمولا وبلىسى.