استانا. 5 مامىر. اقتاۋدا ءجۇرىپ بارا جاتقان كولىكتىڭ ارتقى ەسىگىنەن ءسابي قۇلاپ كەتتى. بۇل تۋرالى lada.kz حابارلادى.
اتالعان كەلەڭسىزدىك تۋرالى بەينەجازبا YouTube-تە جاريالاندى. بۇل وقيعا ارتتا كەلە جاتقان اۆتوكولىكتىڭ بەينەتىركەگىشىنە ءتۇسىپ قالعان.
بەينەجازبادا «اقتاۋ» ساۋدا-ويىن ساۋىق كەشەنى ماڭىنداعى كوشە قيىلىسىندا كەلە جاتقان كولىكتەن كىشكەنتاي بالانىڭ قۇلاپ تۇسكەنى انىق كورىنەدى. كولىك كىلت توقتاپ, ىشىنەن ەر ادام مەن ايەل جۇگىرىپ شىعادى. ولار جولدا جاتقان بالانى كوتەرىپ الىپ, جوندەرىنە كەتكەن.
قازىرگى تاڭدا ءسابيدىڭ دەنساۋلىعى جونىندە ناقتى دەرەكتەر جوق. ەستەرىڭىزدە بولسا, ەلىمىزدە 2015 جىلى جاڭارتىلعان جول ءجۇرۋ ەرەجەسى كۇشىنە ەنگەن بولاتىن. زاڭداعى وزگەرىستەرگە سايكەس, جۇرگىزۋشىلەر 12 جاسقا دەيىنگى بالالاردى ارنايى قۇرالدار – قاۋىپسىزدىك بەلدىگى نەمەسە اۆتوورىندىقتارمەن عانا تاسىمالداۋعا مىندەتتى.
ەلامان قوڭىر.
دەرەك, سۋرەت: lada.kz.