قاسىم-جومارت توقاەۆ كورمە ەكسپوزيتسيالارىن ارالاپ كوردى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مۇندا قوقىس وڭدەۋ, وندىرىستىك كاسىپورىندار جوبالارى, تابيعات تازالىعى بويىنشا ستارتاپتار, مەكتەپ وقۋشىلارىنىڭ ەكولوگيالىق باستامالارى, سونىمەن قاتار بالالاردىڭ قورشاعان ورتا تاقىرىبىنا ارنالعان شىعارماشىلىق جۇمىستارى قويىلعان.
ءا. مارعۇلان اتىنداعى №40 مەكتەپ-ليتسەيدىڭ 5 سىنىپ وقۋشىلارى نۇرباقىت ەرمەك ۇلى مەن ايزات ەرجانقىزى پرەزيدەنتكە ەسىل وزەنىن تازالاپ, ساقتاۋعا قاتىستى جوبالارىن تانىستىردى.