ءىى دۇنيەجۇزىلىك سوعىس جىلدارىندا سولتۇستىك قازاقستان وبلىسىنىڭ اۋماعىندا ەۆاكۋتسيالانعان التى گوسپيتال ورنالاستىرىلعان. پەتروپاۆل قالاسىنداعى قازىرگى عابيت مۇسىرەپوۆ كوشەسىندەگى زيراتتا سول گوسپيتالدارعا جەتكىزىلگەن 447 قىزىلاسكەر اۋىر جارادان قازا تاۋىپ, جەرلەنگەن. ولاردىڭ باسىنا اتى-جوندەرى جازىلعان بەلگىلەر ورناتىلعان.
جەرگىلىكتى بيلىك سوعىس جىلدارىندا گوسپيتالعا جەتكىزىلگەن جاۋىنگەرلەرگە بارلىق جاعدايدى تۋعىزۋ تۋرالى ارنايى قاۋلى قابىلداعان. گوسپيتالدارعا ءىىى رانگىلى اسكەري دارىگەر اداموۆ, ءىى رانگىلى اسكەري دارىگەر كۋنيتسكي جانە ت.ب. باسشىلىق جاساعان. سونىڭ ىشىندە №3813 گوسپيتالدە كونتۋزيا الىپ, پسيحونەۆرولوگيالىق سوققىعا ۇشىراعان جارالىلار بولعان. ولارعا ارناپ, كوڭىلدەرىن كوتەرۋ ءۇشىن گوسپيتال قىزمەتكەرلەرى جانە جۇمىستان بوساعان انشىلەر مەن مۋزىكانتتار كونتسەرتتەر دە قويىپ وتىرعان.