قر ەكولوگيا جانە تابيعي رەسۋرستار ءمينيسترى ەرلان نىسانباەۆ «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» كەاق ۇيىمداستىرعان «قازاقستان ونەركاسىبىنە «جاسىل» تەحنولوگيالاردى ەنگىزۋدىڭ بولاشاعى» تاقىرىبىنداعى دوڭگەلەك ۇستەل جۇمىسىنا قاتىستى.
ءىس-شارا بارىسىندا قاتىسۋشىلار ەكولوگيالىق ستارتاپتاردىڭ قازاقستاندىق ونەركاسىپتىڭ وندىرىستىك پروتسەستەرىنە ينتەگراتسيالانۋ پەرسپەكتيۆالارىن تالقىلاپ قانا قويماي, ورنىقتى شەشىمدەردى ماسشتابتاۋدىڭ بار كەدەرگىلەرى مەن مۇمكىندىكتەرىن ايقىندادى, سونداي-اق يننوۆاتسيالىق تەحنولوگيالاردى دامىتۋداعى عىلىمنىڭ, بيزنەستىڭ جانە مەملەكەتتىڭ ءرولىن قاراستىردى.
اشىق ديالوگ فورماتىندا مينيستر QazInnovation قورى وكىلدەرىنىڭ سۇراقتارىنا جاۋاپ بەرىپ, سونداي-اق وزىق كليماتتىق جانە رەسۋرس ۇنەمدەۋ جوبالارىن ىسكە اسىراتىن GCIP-Kazakhstan فيناليستەر كوماندالارىمەن تىكەلەي سويلەستى.
ونەركاسىپتە جاسىل تەحنولوگيالاردى قولدانۋ تۇراقتى دامۋ مەن ەكولوگيالىق قاۋىپسىزدىككە قول جەتكىزۋدىڭ كىلتى ەكەنىن اتاپ وتكەن ءجون. وسى تەحنولوگيالاردى بەلسەندى تۇردە ەنگىزەتىن ونەركاسىپ سالالارى تابيعي رەسۋرستاردى ساقتاۋعا, قورشاعان ورتانىڭ لاستانۋىن ازايتۋعا جانە ادامداردىڭ ءومىر ءسۇرۋ ساپاسىن جاقسارتۋعا ىقپال ەتەدى.