قازاقستاندا جاتتىقتىرۋشىلاردىڭ جالاقىسى وسەدى

اتاپ ايتقاندا, 2020 جىلدان باستاپ سپورتتىق باعىتتاعى پەداگوگ قىزمەتكەرلەردىڭ جالاقىسى جىل سايىن 25%-عا ءوسىپ وتىردى. بۇل ءوسىم 2024 جىلعا قاراي 100%-عا جەتتى. بۇل – 2019 جىلعى 2 قىركۇيەكتەگى قازاقستان حالقىنا جولداۋدا بەرىلگەن تاپسىرمالاردى ورىنداۋ اياسىندا جۇزەگە اسىرىلعان.

سونىمەن قاتار, 2022 جىلدان باستاپ دەنە شىنىقتىرۋ جانە سپورت سالاسى قىزمەتكەرلەرىنىڭ – جاتتىقتىرۋشىلار, ادىسكەرلەر, نۇسقاۋشىلار جانە ت.ب. مامانداردىڭ – بازالىق ەڭبەكاقىسى دا 4 جىلدىق كەزەڭ ىشىندە تۇراقتى ءوسىپ كەلەدى. 2025 جىلى بۇل كورسەتكىش 100%-عا جەتتى.

بۇدان بولەك, جاتتىقتىرۋشى-پەداگوگتەردىڭ كاسىبي بىلىكتىلىگىن ارتتىرۋعا ىنتالاندىرۋ ماقساتىندا قوسىمشا ۇستەماقى ەنگىزۋ جۇمىسى باستالدى. اتاپ ايتقاندا, ۇلتتىق ستاندارتتارعا ساي وقۋ-جاتتىعۋ پروتسەسىن جۇرگىزىپ, ارنايى بىلىكتىلىك تەستىنەن وتكەن جاتتىقتىرۋشىلارعا 2026 جىلدان باستاپ اي سايىنعى لاۋازىمدىق جالاقىسىنىڭ 30%-ى كولەمىندە قوسىمشا اقى تولەۋ كوزدەلىپ وتىر.