WhatsApp – الەمدەگى ەڭ تانىمال مەسسەندجەرلەردىڭ ءبىرى. سونداي-اق ول حاكەرلەر مەن الاياقتاردىڭ دا باستى نىساناسى. ولار اككاۋنتىڭىزدى ۇرلاپ, جەكە حاتتارىڭىزدى وقىپ, ءتىپتى زىميان پيعىلىن ىسكە اسىرۋ ءۇشىن ءنومىرىڭىزدى پايدالانۋى مۇمكىن. ءوزىڭىزدى جانە دەرەكتەرىڭىزدى قورعاۋدىڭ جولىن قارجى نارىعىن رەتتەۋ جانە دامىتۋ اگەنتتىگى تومەندەگىشە تۇسىندىرەدى.
ول ءۇشىن:
WhatsApp-تى اشىڭىز → باپتاۋلار (ناسترويكي) → اككاۋنت → ەكى فاكتورلى اۋتەنتيفيكاتسيا قىزمەتىن تاڭداڭىز. التى تاڭبالى PIN-كود ورناتىڭىز. قۇپيا ءسوزدى ۇمىتىپ قالساڭىز, ونى قالپىنا كەلتىرۋ ءۇشىن ەلەكتروندىق پوشتاڭىزدى قوسىڭىز. كۇماندى حابارلامالاردى اشپاڭىز. حاكەرلەر ءسىزدى الداۋ ءۇشىن الەۋمەتتىك ينجەنەريا ادىستەرىن ءجيى قولدانادى.الاياقتاردىڭ ءجيى قولداناتىن تاسىلدەرى:
SMS ارقىلى كەلگەن راستاۋ كودىن جىبەرۋدى سۇرايدى (مۇنى ەشقاشان جاساماڭىز!). «WhatsApp قولداۋ قىزمەتىنەن» جالعان حابارلامالار جىبەرەدى. قاۋىپسىزدىك شارالارى نەمەسە ۇتىس ويىنى تۋرالى حابارلاپ, سىلتەمەنى باسۋدى سۇرايدى. مۇندايدا نە ىستەۋ كەرەك؟ ەشكىمگە راستاۋ كودىن جىبەرمەڭىز. جەكە دەرەكتەردى جىبەرمەڭىز. كۇماندى سىلتەمەلەرگە وتپەڭىز. جەكە دەرەكتەردىڭ كورىنۋىن شەكتەۋگە بولادى. الاياقتار ءسىزدىڭ اۆاتار مەن ستاتۋسىڭىزدى پايدالانىپ, اتىڭىزدان حات جازۋى مۇمكىن.قۇپيالىلىق باپتاۋلارىن وزگەرتۋ ءۇشىن:
WhatsApp-تى اشىڭىز → باپتاۋلار → قۇپيالىلىق. اۆاتار, ستاتۋس, سوڭعى ونلاين بولۋ ۋاقىتى سياقتى اقپاراتتاردى كورۋدى «تەك كونتاكتىلەر» نەمەسە «ەشكىم» دەپ شەكتەڭىز. WhatsApp Web-كە قوسىلعان قۇرىلعىلاردى تەكسەرىڭىز. ەگەر ءسىزدىڭ اككاۋنتىڭىز بەلگىسىز كومپيۋتەردە اشىق تۇرسا, الاياقتار حاتتارىڭىزدى وقۋى مۇمكىن.WhatsApp اككاۋنتىڭىزدىڭ قاۋىپسىزدىگى ءسىزدىڭ قولىڭىزدا. ەكى فاكتورلى اۋتەنتيفيكاتسيانى قوسىڭىز, كۇماندى حابارلامالارعا سەنبەڭىز, جەكە دەرەكتەردى شەكتەڭىز جانە بايلانىس قۇرىلعىلاردى ۇنەمى تەكسەرىپ وتىرىڭىز. قاۋىپسىزدىك شارالارىن ساقتاۋ ارقىلى ءسىز الاياقتاردان قورعانا الاسىز.