استانا. 5 مامىر. مەملەكەت باسشىسى تەلەفون ارقىلى ەگيپەت پرەزيدەنتى ابدەل فاتتاح اس-سيسيمەن سويلەستى. بۇل تۋرالى akorda.kz حابارلادى.
ەگيپەت باسشىسى ابدەل فاتتاح اس-سيسي نۇرسۇلتان نازارباەۆتى پرەزيدەنت سايلاۋىنداعى تاريحي جەڭىسىمەن جانە قىزمەتىنە كىرىسۋىمەن قۇتتىقتادى.
اڭگىمەلەسۋ بارىسىندا ەكى مەملەكەت كوشباسشىلارى قازاقستان-ەگيپەت ىنتىماقتاستىعىنىڭ باسىمدىعى بار باعىتتارىن تالقىلاپ, ساۋدا-ەكونوميكا سالاسىنداعى ءوزارا ءىس-قيمىلدى جانداندىرۋ جولدارىن پىسىقتادى.
ابدەل فاتتاح اس-سيسي ەكى ەل اراسىنداعى سان عاسىرلىق دوستىق پەن ءوزارا ءتيىمدى ىنتىماقتاستىققا نەگىزدەلگەن قارىم-قاتىناستىڭ الداعى ۋاقىتتا دا قازاقستان مەن ەگيپەتتىڭ دوستاس حالىقتارى مۇددەسىنە ءتيىمدى قىزمەت ەتە بەرەتىنىنە سەنىم ءبىلدىردى.
ەلامان قوڭىر.
دەرەك, سۋرەت: akorda.kz.