حيۋستوندا (اقش) وتەتىن FIRST Championship اتتى وقۋشىلارعا ارنالعان ەڭ بەدەلدى ينجەنەرلىك جارىسقا قازاقستان كوماندالارى اتتاندى, دەپ جازادى Egemen.kz.
110 ەلدەن كەلگەن 50 مىڭنان استام جاس ينجەنەر مەن ونەرتاپقىشتاردى بىرىكتىرگەن بيىلعى چەمپيونات ماۋسىمىنىڭ تاقىرىبى – سۋاستى الەمىن زەرتتەۋ جانە قورعاۋ. بيىل قازاقستان اتالعان بايقاۋعا بۇرىن-سوڭدى بولماعان اۋقىمدا – بىردەن 7 كوماندامەن قاتىسىپ وتىر.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە قازاقستان قۇراماسى ورتالىق ازيا چەمپيوناتى – Almaty Tech Cup ناتيجەسىندە ىرىكتەلدى. ەل اتىنان قاتىسىپ جاتقان كوماندالار: Atlantis – «ساتۋرن» مەكتەبى, پاۆلودار قالاسى; PID – نازارباەۆ زياتكەرلىك مەكتەبى, الماتى قالاسى; Cristabol – نازارباەۆ زياتكەرلىك مەكتەبى, الماتى قالاسى; Skillset – «Skillset» مەكتەبى, استانا قالاسى; JelToqSun جانە Rasslexx – «مۇراگەر» مەكتەبى, قاراعاندى قالاسى.