جەڭىستىڭ 80 جىلدىعىنا وراي استانا 1 وڭىرلىك قولباسشىلىعى 31775 اسكەري ءبولىمى 1-ءشى موتواتقىشتار روتاسىنىڭ ستارشيناسى 3-سىنىپتى سەرجانت تيمۋر ەرجانوۆ 80 شاقىرىمعا جۇگىردى, دەپ جازادى Egemen.kz.
قاراعاندى وبلىسى بۇقار جىراۋ اۋدانى شەشەنقارا كەنتىندە باستالىپ, ءوز اسكەري بولىمىندە مارەگە جەتكەن مارافونىن ول قازا تاپقان مايدانگەرلەر مەن كوزى ءتىرى ارداگەرلەرگە ارناپ وتىر.
ءبولىم باسشىلىعى مەن كومانداعا قولداۋى ءۇشىن راحمەت ايتقان تيمۋر ەرجانوۆ جۇگىرۋمەن كوپتەن بەرى اينالىسادى ەكەن. مارە سىزىعىندا تاڭقالارلىقتاي سەرگەك كورىنگەن ونىڭ ايتۋىنشا 80 شاقىرىم وزىنە اسا كۇش تۇسىرمەگەن. ول ەندى 200 شاقىرىم جۇگىرۋدى جوسپارلاپ وتىر.
قورعانىس مينيسترلىگىنىڭ ءباسپاسوز قىزمەتىنىڭ مالىمدەۋىنشە 7 ساعات 21 مينۋت 11 سەكۋندقا سوزىلعان جۇگىرىس كەزىندە مارافونشىعا ءار 10 شاقىرىم سايىن اۋىسىپ وتىرعان ارىپتەستەرى قولداۋ كورسەتتى. ايتسە دە ت.ەرجانوۆ نەگىزگى قاشىقتىقتى ءوز كۇشىنە عانا سۇيەنە وتىرىپ ەڭسەرىپ شىققان.
«وسى قاشىقتىقتى جۇگىرۋ ارقىلى جىگەرلى مىنەزىڭىزدى, جاۋىنگەرلىك رۋح پەن توزىمدىلىگىڭىزدى كورسەتتىڭىز. ءسىز سياقتى ساربازدارعا ۇلگى بولاتىن ناعىز پاتريوتتار بار ەكەنىن ماقتان تۇتامىز», دەپ اتاپ ءوتتى 31775 اسكەري ءبولىمىنىڭ كومانديرى پودپولكوۆنيك مارات برالينوۆ.