«قازاقستاندىق قوعامدىق دامۋ ينستيتۋتى» كەاق باسقارماسىنىڭ توراعاسى نۇربەك ءماتجاني ورتالىق كوممۋنيكاتسيالار قىزمەتىنىڭ پودكاستىندا جۇرگىزىلەتىن زەرتتەۋلەر مەن قولدانىلاتىن ادىستەر جايلى ايتىپ بەردى.
ينستيتۋت 2019 جىلى قۇرىلعان. قازىر ونىڭ قۇرامىندا بەس ورتالىق بار: سوتسيولوگيالىق زەرتتەۋلەر ورتالىعى, وتباسى جانە گەندەر ماسەلەلەرىن زەرتتەيتىن ورتالىق, قوعامدىق پروتسەستەردى زەرتتەيتىن ورتالىق, «Media Lab» ورتالىعى جانە ساراپتامالىق-تالداۋ باسقارماسى.
«وسى ۋاقىتقا دەيىن شامامەن 200 تارتا ءتۇرلى دەڭگەيدە, ءتۇرلى فورماتتا جانە ءتۇرلى كولەمدەگى زەرتتەۋلەردى جۇرگىزدىك. سوتسيولوگيالىق زەرتتەۋدە كوپ قولدانىلاتىن تاسىلدەر ساندىق (جاپپاي ساۋالناما) مەن ساپالىق سوتسيولوگيالىق زەرتتەۋ. ساپالىق سوتسيولوگيالىق زەرتتەۋدە تەرەڭدەتىلگەن سۇقبات جاپپاي ساۋالناما كورسەتە المايتىن دەرەكتەردى الۋعا مۇمكىندىك بەرەدى. بۇل رەتتە كەڭىنەن قولدانىلاتىن تاعى ءبىر ءتاسىل – فوكۋس-توپتىق تالقىلاۋلار دەپ اتالادى. ول جەردە بىرنەشە ادام سۇراقتارعا جاۋاپ بەرۋ ارقىلى زەرتتەۋگە قاتىسادى. ساۋالناما ءانونيمدى تۇردە جۇرگىزىلەدى», - دەدى نۇربەك ءماتجاني.
ققدي ءىرى زەرتتەۋلەرىنىڭ ىشىندە «قازاقستان رەسپۋبليكاسىنداعى وتباسىلىق تۇرمىستىق زورلىق-زومبىلىققا قارسى ءىس-قيمىل» دەپ اتالاتىن ۇلتتىق بايانداما بار. وندا وتباسىنداعى تۇرمىستىق زورلىق-زومبىلىقتىڭ سەبەپ-سالدارى, زاڭداعى ولقىلىقتار, الەمدىك تاجىريبە تالدانادى.
«قازاقستان وتباسىلارى» ۇلتتىق بايانداماسىنا توقتالاتىن بولساق, بۇل جەردە وتباسىلىق مودەل قالاي وزگەرىپ جاتىر, اتا-انا مەن بالانىڭ اراسىنداعى قارىم-قاتىناس, ەلدەگى اجىراسۋعا دەگەن كوزقاراس كورسەتىلەدى.
زەرتتەۋلەردىڭ كوبى ءۇش تىلدە: قازاق, ورىس جانە اعىلشىن تىلىندە ۇسىنىلادى.