«تەڭىزدەن تەرەڭ عىلىم» دەگەن تاقىرىپتا جۇرىلگەن عىلىمي ءىس-شارا اياسىندا Shakarim University-دە جاڭا عىلىمي زەرتحانا اشىلدى. عالىمداردىڭ ايتۋىنشا, بۇل – ەلىمىزدەگى عىلىمنىڭ جاڭا ساپالىق دەڭگەيگە كوتەرىلۋى, دەپ جازادى Egemen.kz.
بۇگىندە عىلىم جابىق, تەك تەوريامەن شەكتەلمەيدى. مۇنى Shakarim University دالەلدەپ وتىر.
«ۋنيۆەرسيتەتىمىزدە تاماق ونىمدەرىن فيزيكا-حيميالىق تالداۋ زەرتحاناسىنىڭ اشىلۋى – تەك ۋنيۆەرسيتەت ءۇشىن عانا ەمەس, بۇكىل وڭىرلىك عىلىمي مەكتەپ ءۇشىن دە تاريحي وقيعا. مەملەكەتتىك قارجىلاندىرۋ اياسىندا جابدىقتالعان بۇل زەرتحانا – عىلىمدى وندىرىسكە اينالدىراتىن جاڭا پلاتفورما دەۋگە بولادى. مۇندا ماگيسترانتتار, دوكتورانتتار جانە جاس عالىمدار ناقتى عىلىمي جوبالارمەن اينالىسىپ, ەلىمىزدىڭ ازىق-ت ۇلىك ونەركاسىبىنە ۇلكەن ۇلەس قوساتىن بولادى», دەدى تەحنيكا عىلىمدارىنىڭ دوكتورى, پروفەسسور قۇماربەك ءامىرحانوۆ.
راسىندا قازىر Shakarim University بۇگىنگى جاھاندىق سىن-قاتەرلەر جاعدايىندا ازىق-ت ۇلىك قاۋىپسىزدىگى, ءونىم ساپاسى, تاماق تەحنولوگيالارى مەن تەحنولوگيالىق تاۋەلسىزدىك ماسەلەلەرىنە دەن قوياتىن ستراتەگيالىق جوبانى قولعا الدى.
«مەن بۇل جەردە رەكتور رەتىندە ەمەس, پروفەسسور قۇماربەك جۇنىسبەك ۇلىنىڭ شاكىرتى رەتىندە دە كەلىپ تۇرمىن. كەزىندە ول كىسى ماعان «ناعىز عىلىم – ەڭبەككە قۇرمەت جانە ادامعا جاناشىرلىق بار جەردە عانا بولادى» دەگەن ەدى. «بۇل – ءبىزدىڭ عىلىمي فيلوسوفيامىز. بۇل – ءبىز ءجۇرىپ كەلە جاتقان جول», دەپ, ءوز ءبىلىمىن شاكىرتىنىڭ بويىنا دارىتا ءبىلدى», دەدى رەكتورى دۋمان ورىنبەكوۆ.
زەرتحانامەن بىرگە قۇرت ءوندىرۋ تەحنولوگياسىنا جانە ەت ونىمدەرىنىڭ جارتىلاي فابريكاتتارىنا ارنالعان وقۋ-وندىرىستىك تسەح ىسكە قوسىلدى. مامانداردىڭ ايتۋىنشا, جاڭا زەرتحانا – بىلىكتى مامان دايارلاۋدا, قولدانبالى تەحنولوگيالار دامىتۋدا, عىلىمي ءوندىرىستى وسىرستەتۋگە, ەكونوميكالىق سەرپىلىسكە ۇلكەن سەپتىگىن تيگىزەدى.
زەرتحانانىڭ اشىلۋ سالتاناتىندا كورنەكتى عالىم ەلەمەس تولەۋوۆتىڭ شاكىرتى, پروفەسسور قۇماربەك جۇنىسبەك ۇلىنىڭ عىلىمي ەڭبەگى جوعارى باعالاندى. عالىمنىڭ شاكىرتتەرى بۇگىندە PhD دوكتور, عىلىم كانديداتى اتانسا, ەندى ءبىرى ءار وڭىردە لاۋازىمدى باسشىلىقتا قىزمەت ەتىپ ءجۇر.
ءىس-شارا اياسىندا سايدا مانەنوۆا, ايشا قاناتوۆا, شۇعىلا جاقىپبەكوۆا, ءالىبي مۇراتبەك, ارتەم ياسنوۆ قاتارلى جاس عالىمدار ءوز جوبالارىن تانىستىردى. وندا فۋنكتسيونالدى تاعامدار, وسىمدىك كومپونەنتتەرى نەگىزىندەگى جارتىلاي فابريكاتتار, 3D-پرينتينگ, گيدروپونيكا – مۇنىڭ ءبارى ستۋدەنتتەردىڭ ءوز قولىمەن جاسالعان عىلىمي جۇمىستاردىڭ ناتيجەسى.
رەكتور دۋمان رىمعالي ۇلىنىڭ ايتۋىنشا, ۋنيۆەرسيتەت بۇگىندە ءوڭىردىڭ تىرەك نۇكتەسىنە اينالعانىن, ال عىلىمي ەكوجۇيەنىڭ قۇرىلۋى بۇكىل ەلگە ۇلگى بولارلىق جاڭا مودەل.
ء«بىز يدەيا – ىسكە, زەرتتەۋ – وندىرىسكە اينالاتىن ورتا قالىپتاستىرامىز. Shakarim University جاڭا عىلىمي زەرتحانانىڭ اۋديتورياسىن كەڭەيتىپ, الدا ەل ەكونوميكاسىنىڭ دامۋىنا ات سالىسا بەرەمىز», دەدى رەكتور.
سونداي-اق عىلىمي جوبالار اياسىندا جاسالعان ونىمدەردىڭ ءدامىن تاتۋ ءراسىمى دە بولدى. قوناقتارعا قۇرت, جارتىلاي فابريكاتتار, گليۋتەنسىز نان ونىمدەرى, يننوۆاتسيالىق قوسپالار ۇسىنىلدى.
اباي وبلىسى