پوليتسەيلەر شىمكەنتتە بۇرىن جەرگىلىكتى كوماندالاردىڭ بىرىندە ويناعان شەتەلدىك ازاماتتى ۇستادى, دەپ حابارلايدى Egemen.kz.
ىشكى ىستەر مينيسترلىگى ەسىرتكى قىلمىسىنا قارسى كۇرەس كوميتەتىنىڭ مالىمەتىنشە, ەر ادامنان 1,5 كەلى سينتەتيكالىق ا-PVP ەسىرتكىسى تاركىلەنگەن. ول تىيىم سالىنعان زاتتى Telegram مەسسەندجەرى ارقىلى تاراتقان.
«ۇستالعاننىڭ ورتالىق افريكا رەسپۋبليكاسىنىڭ ازاماتى ەكەنى انىقتالدى. ول قازاقستانعا 2020 جىلى جۇمىس ىزدەپ كەلگەن جانە بۇرىن جەرگىلىكتى فۋتبول كوماندالارىنىڭ بىرىندە ويناعان», دەلىنگەن حابارلامادا.
كۇدىكتى ۋاقىتشا ۇستاۋ يزولياتورىنا قامالدى.