بيىلعى جىلدىڭ 1 مامىرىنان باستاپ قازاقستان اۋە كومپانياسى استانا – تۇركىستان – سامارقان باعىتىمەن جاڭا رەيس اشپاق. ۇشاقتار اپتاسىنا ەكى رەت – بەيسەنبى جانە جەكسەنبى كۇندەرى قاتىنايدى, دەپ حابارلايدى Egemen.kz.
ازاماتتىق اۆياتسيا كوميتەتىنىڭ مالىمەتىنشە, بۇل باعىتتىڭ ىسكە قوسىلۋىمەن ەكى ەل اراسىنداعى اپتا سايىنعى رەيستەر سانى 42-دەن 44-كە ارتادى.
مامانداردىڭ ايتۋىنشا, جاڭا باعىت ەكى ەل اراسىنداعى ساۋدا-ەكونوميكالىق, ىسكەرلىك جانە تۋريزم سالالارىنداعى بايلانىستى نىعايتۋعا سەپ بولماق.
بۇعان دەيىن كوميتەت ءتورايىمى سالتانات تومپيەۆا دەپۋتاتتار تاراپىنان اۋە بيلەتتەرىنىڭ قايتارىلمايتىنىنا بايلانىستى ايتىلعان سىنعا جاۋاپ بەرگەن ەدى. ونىڭ ايتۋىنشا, قايتارىلمايتىن بيلەتتەر ارقىلى جولاۋشىلار ءۇشىن ەڭ تومەنگى تاريف ۇسىنىلادى.