اقتاۋ. 11 اقپان. «قازمۇنايگاز» ۇك» اق-تا اقتوبە جانە ماڭعىستاۋ وبلىستارىنىڭ گازبەن جابدىقتاۋ جەلىلەرىن گازداندىرۋ, جاڭعىرتۋ جانە قايتا جوندەۋ بويىنشا ۇزاقمەرزىمدى جانە ءتيىمدى ىنتىماقتاستىق تۋرالى 2 مەموراندۋمعا قول قويىلدى. بۇل تۋرالى egemen.kz ءتىلشىسى حابارلادى.
«قازترانسگاز» اق مەموراندۋمعا سايكەس ماڭعىستاۋ وبلىسىندا قازاقستان رەسپۋبليكاسىن 2030 جىلعا دەيىنگى گازداندىرۋدىڭ باس سىزباسى اياسىندا جاڭا گاز جەلىلەرىن, جوعارى, ورتا, تومەن قىسىمدى گاز قۇبىرلارىن, جاڭاوزەن قالاسىندا 3 اگتس ورناتىپ, جوعارى قىسىمدى گاز قۇبىرىن, اگتس ورناتا وتىرىپ, «وكارەم-بەينەۋ» ماگيسترالدىق گاز قۇبىرىنان شەتپە اۋىلىنا دەيىن كەنتارالىق, جەراستى جوعارى, ورتاشا قىسىمدى گاز قۇبىرلارىن سالۋ كوزدەلگەن. ونىڭ ىشىندە گاز تاراتۋ جۇيەسىن جاڭعىرتۋعا 20,0 ملرد. تەڭگە قاراستىرىلعان.
ماڭعىستاۋ جانە اقتوبە وبلىستارىنىڭ اكىمدىكتەرى مەموراندۋمعا سايكەس جەر تەلىمدەرىن ءبولىپ, ءتيىستى رۇقسات بەرۋ قۇجاتتارىن ازىرلەيدى. سودان كەيىن «قازترانسگاز» اق-قا تەحنيكالىق ەكونوميكالىق نەگىزدەمە مەن جوبالىق-سمەتالىق قۇجاتتاما بەرىلەدى. «قازترانسگاز» اق جوبالارى ۇزاقمەرزىمدى ينۆەستيتسيالىق باعدارلاما ارقىلى ىسكە اسىرىلماق. جالپى العاندا ماڭعىستاۋ وبلىسى تولىق گازبەن قامتاماسىز ەتىلگەن, ايتسە دە كەيبىر گاز تاراتۋ جەلىلەرى جاڭعىرتۋدى قاجەت ەتەدى. سونداي-اق, ايماقتا جاڭادان بوي كوتەرگەن تۇرعىن ۇيلەر مەن الەۋمەتتىك نىسانداردى گاز جەلىلەرىنە قوسۋ قاجەت. مەموراندۋمدا قارالعان 33 ملرد. تەڭگەنىڭ 20 ملرد. تەڭگەسى جاڭعىرتۋ جۇمىستارىنا جۇمسالسا, قالعانى جاڭا الەۋمەتتىك نىسانداردى گازبەن قامتاماسىز ەتۋگە ارنالماق.
گۇلايىم شىنتەمىرقىزى.
دەرەك: egemen.kz.
سۋرەت: «قازاقپارات».