بۇل كۇندە مادەنيەت پەن ادەبيەت تۇلعالارىنىڭ كەزىندەگىدەي ەل ىشىمەن ەتەنە ارالاسىپ, ءاردايىم ورتالارىنان تابىلۋى سيرەكسۋىن جوققا شىعارا المايمىز. ال وسى سالادا ەسىمى مەن ەڭبەگى تانىمال ازاماتتارمەن كەزدەسىپ, وي بايىتۋعا, بىلىكتىلىك كەڭەيتۋگە دەگەن قاۋىم ىنتىزارى قالپىنشا دەۋگە بولادى. حالىقارالىق «قازاق ءتىلى» قوعامى مەن تۇركىتانۋ ورتالىعى ۇيىمداستىرۋىمەن جاڭاارقا اۋدانىندا وتكەن تاريحشى عالىمداردىڭ, ءتىل ماماندارىنىڭ, اقىن-جازۋشىلاردىڭ جەرگىلىكتى جۇرتپەن جۇزدەسۋلەرى سونى ايعاق ەتتى. جۇزدەسۋدىڭ باستى ارقاۋى قازاق حاندىعىنىڭ 550 جىلدىعىنا ارنالعان «حح عاسىردىڭ اۋمالى-توكپەلى كەزەڭدەرى, قازاق حالقىنىڭ ترانسفورماتسياسى جانە زامانعا بەيىمدەلۋى» اتتى تاريحي-تانىمدىق كونفەرەنتسيا بولدى.
وندا تۇركسويدىڭ ءبىرىنشى حاتشىسىنىڭ ورىنباسارى سانجار مۇلازىموعلى, عالىمدار سايىن بورباسوۆ, بەكەن كەمەلبەكوۆ, ءالىمحان جۇنىسبەكوۆ, بەلگىلى ءتۇركولوگ ءناپىل بازىلحان, «ارىس» قورىنىڭ پرەزيدەنتى عاريفوللا انەس, اقىن ءسابيت بەكسەيىت تارتىمدى باياندامالار جاسادى. وسى ءوڭىردىڭ وركەندەۋىنە ۇلكەن ۇلەس قوسقان, ەڭبەگى ەل ەسىندەگى ازامات نۇرلان ومار ۇلى تۋرالى «تەكتىدەن تۋعان تۇلعالار» كىتابىنىڭ تۇساۋكەسەرى دە ءوتىپ, تۇركسويدىڭ « ۇلى تۇرىك قىرانى» مەدالى جەرلەستەرى الدىندا كەۋدەسىنە تاعىلعان ءدۇلدۇل كۇيشى مۇحامەدجان تىلەۋحان مەن ءىزباسارلار ونەرى ءبىر شەتى تۇركيادان, موڭعوليادان, پولشادان كەلىپ, كونفەرەنتسياعا قاتىسۋشىلار مەن جەرلەستەرى كوڭىل-كۇيىن ءوسىرىپ تاستادى.
ايقىن نەسىپباي,
«ەگەمەن قازاقستان».
قاراعاندى وبلىسى.