قىزىلوردا وبلىستىق پروكۋراتۋراسى جىل باسىنان بەرى 7 145 جۇمىسشىنىڭ قۇقىعىن قورعاپتى. ارنايى تەكسەرۋ ناتيجەسىندە زاڭسىزدىققا جول بەرگەن 6 جۇمىس بەرۋشى اكىمشىلىك, تاعى التاۋى تارتىپتىك جاۋاپتىلىققا تارتىلعان.
وسى ۋاقىت ارالىعىندا قاداعالاۋ اكتىلەرى ارقىلى 601,3 ملن تەڭگە جالاقى وندىرىلگەن. سولاردىڭ قاتارىندا «جاستار پراكتيكاسى» باعدارلاماسى اياسىندا جۇمىسپەن قامتىلعان 2 360 جاسقا 264 ملن تەڭگە جالاقى قارىزى تولەندى.
ەڭبەكتى قورعاۋ جانە ەڭبەك قاۋىپسىزدىگى سالاسىندا زاڭدىلىقتىڭ ساقتالۋىنا تالداۋ جۇرگىزگەن پروكۋراتۋرا وبلىستا 8 مىڭنان استام جۇمىس بەرۋشى جۇمىسشىلارىمەن جازاتايىم وقيعالاردان مىندەتتى ساقتاندىرۋ تۋرالى شارت جاساماعانىن انىقتاعان. ولاردىڭ اراسىندا ءىرى اگروكومپانيالار دا بار.
تەكسەرىستەن كەيىن 55 جۇمىس بەرۋشى 500-دەن استام جۇمىسشىسىن جازاتايىم وقيعادان ساقتاندىردى.