«ورتالىق ازيا – ەۋروپا وداعى» سامميتىنە قاتىسۋشىلار Aral Culture Summit كورمەسىن تاماشالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قازاقستان پرەزيدەنتى قاسىم-جومارت توقاەۆ, وزبەكستان پرەزيدەنتى شاۆكات ميرزيوەۆ, قىرعىزستان پرەزيدەنتى سادىر جاپاروۆ, تاجىكستان پرەزيدەنتى ەمومالي راحمون, تۇرىكمەنستان پرەزيدەنتى سەردار بەردىمۇحامەدوۆ, ەۋروپالىق كەڭەس پرەزيدەنتى انتونيۋ كوشتا, ەۋروپالىق كوميسسيا پرەزيدەنتى ۋرسۋلا فون دەر ليايەن كليمات كونفەرەنتسياسىنان كەيىن Aral Culture Summit كورمەسىن ارالاپ كوردى.
اتالعان الاڭدا ارال ەكوجۇيەسىن قالپىنا كەلتىرۋگە, ايماقتىڭ مادەني مۇراسىن ساقتاۋعا جانە ورنىقتى دامۋىنا ىقپال ەتۋگە باعىتتالعان باستامالار كورىنىس تاپقان.
ءۆيزۋالدى, سەنسورلى جانە ينتەراكتيۆتى تاسىلدەر ارقىلى ۇسىنىلعان ەكسپوزيتسيا ارال ماڭىنداعى باي تابيعات پەن مادەنيەت جايىندا سىر شەرتەدى.