سەمەي قالاسىندا جاڭا ەت كومبيناتىنىڭ قۇرىلىسى باستالادى. جوبا قۇنى 8,4 ميلليارد تەڭگەنى قۇرايدى, ال ءوندىرىس اۆستراليانىڭ سوڭعى تەحنولوگيالارى بويىنشا جابدىقتالادى, دەپ حابارلايدى Egemen.kz.
ايتا كەتەيىك, جاڭا كومبينات اشىلعان جاعدايدا 250 ادام تۇراقتى جۇمىس ورنىمەن قامتىلادى.
كومبيناتتىڭ ءبىر اۋىسىمدا 200 باس ءىرى قارا مال مەن 1400 باس ۇساق مالدى سويۋعا مۇمكىندىگى جەتەدى. جىلىنا 12 600 توننا دايىن ەت ءونىمىن ءوندىرىپ, ونىڭ ءبىر بولىگى شەتەلدەرگە ەكسپورتتالماق.
سونىمەن قاتار, جوبانىڭ اياسىندا 50 مىڭ قوي, 200 باس جىلقى جانە 200 باس ءىرى قارا مالعا ارنالعان بورداقىلاۋ الاڭدارى سالىنادى. بۇل جوبانىڭ جۇزەگە اسۋى ءوڭىر ەكونوميكاسىنا ەلەۋلى اسەر ەتىپ, اۋىل شارۋاشىلىعى سالاسىنىڭ دامۋىنا زور ۇلەسىن تيگىزبەك.