«قازاقستاننىڭ دامۋ بانكى» اق باسقارۋشى ديرەكتورى دينا ءجاڭادىل ورتالىق ازياداعى كومىرتەكسىزدەندىرۋ جانە جاڭارتىلاتىن ەنەرگيا جونىندەگى POWERTECH 2025 كونفەرەنتسياسىنا قاتىستى, دەپ حابارلايدى Egemen.kz.
«دەكاربونيزاتسيا جونىندەگى جوبالارعا ورنىقتى قارجىلاندىرۋ جانە حالىقارالىق ينۆەستيتسيالاردى تارتۋ مۇمكىندىكتەرى» اتتى حالىقارالىق كونفەرەنتسيادا بانكتىڭ ورنىقتى دامۋ سالاسىنداعى نەگىزگى جەتىستىكتەرى جانە كليماتتىق قارجىلاندىرۋدى تارتۋ جونىندەگى باستامالارى ۇسىنىلدى.
«ارالاس قارجىلاندىرۋ ۇلتتىق ەكونوميكانى دەكاربونيزاتسيالاۋدى ىنتالاندىرۋدا, ونىڭ ىشىندە تۇراقتى دامۋعا باعىتتالعان جەكە ينۆەستيتسيالاردى جۇمىلدىرۋدا ماڭىزدى ءرول اتقارادى. قدب نەگىزگى قارجى وپەراتورى رەتىندە ۇلتتىق ورنىقتى جوبالاردى قارجىلاندىرۋ ءۇشىن حالىقارالىق قارجى ۇيىمدارىنان جەڭىلدىكتى كليماتتىق قارجىلاندىرۋدى تارتۋ مۇمكىندىگىن قاراستىرادى», دەپ اتاپ ءوتتى دينا ءجاڭادىل.
ول سونىمەن قاتار قارىز الۋشىلاردىڭ قىزمەتىنە ESG قاعيداتتارىن ەنگىزۋدىڭ جانە دەكاربونيزاتسيا بويىنشا تاجىريبە الماسۋدىڭ ماڭىزدىلىعىنا توقتالدى.