استانا, 11 اقپان. بيلىك ۇلتتىق ۆاليۋتا باعامىنىڭ كۇرت اۋىتقۋىنا جول بەرمەۋ ءۇشىن قاجەت بارلىق شارالاردى قابىلدايتىن بولادى جانە ۇلتتىق كومپانيالار مەن قازاقستاندىق حولدينگتەردەن شەتەلدىك ۆاليۋتانى ساتۋ جولىمەن تەڭگەنى قولداۋدى سۇرايدى. قازاقستان پرەزيدەنتى نۇرسۇلتان نازارباەۆ سارسەنبىدە استانادا ۇكىمەتتىڭ كەڭەيتىلگەن وتىرىسىندا وسىنى ايتتى. بۇل تۋرالى «قازاقستان جاڭالىقتارى» حابارلادى.
«جالپى حولدينگتەر مەن ۇلتتىق كومپانيالاردان قازاقستاندىق ۆاليۋتانى ءبىزدىڭ اقشامىزدى ايىرباستاۋ جولىمەن قولداۋدى سۇرايمىز. ارينە, كەلىسىپ الۋ كەرەك, قاجەتتىلىك ساتتەرىن ەسكەرۋ قاجەت, بۇل كەزەڭ تەڭگە ءۇشىن وتە ماڭىزدى بولاتىنىن ەسكەرۋ كەرەك. مەن بارلىق ۇلتتىق كومپانيالارعا ايتىپ تۇرمىن. قازاقستان, ارينە, تەڭگەنىڭ كۇرت اۋىتقۋىنا جول بەرمەۋ ءۇشىن قاجەت بارلىق شارالاردى قابىلدايتىن بولادى. ارينە, ءبىزدىڭ دە مۇددەمىزدى ەسكەرۋ كەرەك, الايدا, قازىر بۇنى جەڭىپ شىعۋ قاجەت. ءبىزدىڭ مۇددەمىز بار, ورتاق مۇددە بار», - دەدى مەملەكەت باسشىسى سارسەنبىدە ۇكىمەتتىڭ كەڭەيتىلگەن وتىرىسىندا.
ساكەن مايلىباي.