«تازا قازاقستان» جالپىۇلتتىق ەكولوگيالىق اكتسياسى اياسىندا ايگىلى كۇشىكباي بۇلاعىندا «بۇلاق كورسەڭ, كوزىن اش» اتتى ەكواكتسيا ۇيىمداستىرىلدى. ءىس-شاراعا 50-دەن استام ادام – ەرىكتىلەر, ستۋدەنتتەر, قوعام بەلسەندىلەرى, جەرگىلىكتى تۇرعىندار قاتىسىپ, بۇلاق ماڭىن تازارتۋ جۇمىستارىن جۇرگىزدى.
ۇيىمداستىرۋشىلاردىڭ ايتۋىنشا, مۇنداي ءىس-شارالاردىڭ باستى ماقساتى – قورشاعان ورتاعا دەگەن جاۋاپكەرشىلىكتى كۇشەيتىپ, قوعامدى تابيعاتتى ايالاۋعا شاقىرۋ.
«تازا قازاقستان» – جاي عانا ەكولوگيالىق اكتسيا ەمەس, ەلىمىزدىڭ ءاربىر ازاماتىن قورشاعان ورتانى ساقتاۋعا, قورعاۋعا شاقىراتىن باتالى باستاما. وكىنىشكە قاراي, سوڭعى كەزەڭدە تابيعي سۋ كوزدەرىنىڭ لاستانۋى ۇلكەن ەكولوگيالىق پروبلەماعا اينالىپ وتىر. اكتسيا اياسىندا تابيعاتتى قورعاۋ, ەكوجۇيەنى قالپىنا كەلتىرۋ باعىتىندا ناقتى جۇمىستاردى قولعا الدىق. بۇگىنگى ءىس-شارانىڭ ءمان-ماڭىزى – ءار ادامنىڭ بويىندا ەكولوگيالىق تۇسىنىك قالىپتاستىرۋ, وسى جاۋاپكەرشىلىكتى ءاربىر ازاماتتىڭ ساناسىنا ءسىڭىرۋ. تابيعاتتى تەك پايدالانىپ قانا قويماي, وعان قامقورلىق جاساۋدى دا ۇيرەنۋىمىز كەرەك», دەدى ءىس-شارانى ۇيىمداستىرۋشىلاردىڭ ءبىرى, قوعام بەلسەندىسى ەرسىنبەك ورلەۋبەك.
مۇنداي ەكولوگيالىق اكتسيالار, تازالىق جۇمىستارى, سەنبىلىكتەردىڭ ەكولوگيالىق مادەنيەتتى, تابيعاتقا دەگەن قامقور كوزقاراستى قالىپتاستىرۋعا ەلەۋلى ۇلەس قوساتىنى ءسوزسىز.
اباي وبلىسى