الماتى وبلىسىندا سوت جەسىر ايەلدىڭ جەر تەلىمىنە قۇقىعىن قالپىنا كەلتىردى

1995 جىلى اۋدان اكىمشىلىگى الماتى وبلىسى رايىمبەك اۋدانىنداعى اۋىلداردىڭ ءبىرىنىڭ تۇرعىنىنا ءومىر بويىنا مۇراگەرلىككە 126,3 گەكتار جەر تەلىمىن بەرگەن.

- 2011 جىلى جەر يەسى قايتىس بولىپ, ونىڭ قۇقىعى جەسىر ايەلىنە وتكەن. الايدا, ول مۇرانى قابىلداي الماعان, ويتكەنى جەر قاتىناستارى ءبولىمى جشس-عا 350 گا جەر تەلىمىن جالعا بەرگەن, ونىڭ 54,7 گا جەرى مارقۇمعا تيەسىلى بولعان.

جشس-مەن جالعا بەرۋ شارتى 2018 جىلى جاسالعان, دەگەنمەن جەر تەلىمى يەسىز دەپ تانىلماي, مۇراگەردىڭ قۇقىق بەلگىلەيتىن قۇجاتتارى كۇشىندە بولعان. ناتيجەسىندە جەر تەلىمدەرىنىڭ قاباتتاسۋى ورىن الىپ, ەلەكتروندى جەر-كاداسترلىق كارتاسىنىڭ سيتۋاتسيالىق دياگرامماسىمەن راستالدى, - دەپ ءتۇسىندىردى سوتتان.

جەسىر ايەل جەر تەلىمىن قايتارۋ تۋرالى جشس-عا, بولىمگە جانە اكىمدىككە تالاپ قويۋمەن جۇگىنگەن.

سوت مىنالاردى ەسكەردى:

* كوورديناتالىق ءتىزىم (اۋىسىم) بويىنشا جەر تەلىمدەرىنىڭ ىرگەلەس شەكارالارىنىڭ سايكەس كەلمەۋى;

* “جىلجىمايتىن م ۇلىككە قۇقىقتاردى مەملەكەتتىك تىركەۋ تۋرالى” زاڭنىڭ 7-بابى, 6-تارماعىنىڭ, جەر كودەكسىنىڭ 164-1-بابىنىڭ جانە ازاماتتىق كودەكستىڭ 260-بابىنىڭ تالاپتارى.

الماتى وبلىسىنىڭ رايىمبەك اۋداندىق سوتى تالاپ قويۋدى قاناعاتتاندىردى.

مۇددەلى تۇلعا - اق - بۇل شەشىم بويىنشا اپەللياتسياعا شاعىمدانىپ, داۋلى جەر تەلىمىنىڭ كەپىلگە قويىلعان م ۇلىك ەكەنىن ايتقان.

الماتى وبلىستىق سوتى ءىستى قاراپ, ءبىرىنشى ساتىداعى سوتتىڭ شەشىمىن وزگەرىسسىز قالدىردى. بۇل شەشىم جالعا بەرۋ شارتتارىن جاساسۋ كەزىندە قۇقىق بەلگىلەيتىن قۇجاتتاردى مۇقيات تەكسەرۋ قاجەتتىلىگىن كورسەتەدى.