استانا. 11 اقپان. كەيبىر جوسپارلارىمىزعا وزگەرىس ەنگىزگەنىمىزگە حالقىمىزدىڭ الاڭداۋىنا ەش نەگىز جوق. اقوردادا ءوتىپ جاتقان ۇكىمەتتىڭ كەڭەيتىلگەن قۇرامداعى وتىرىسىندا ەلباسى نۇرسۇلتان نازارباەۆ وسىلاي دەدى. بۇل تۋرالى «قازاقپارات» حابارلادى.
«ءبىز الەۋمەتتىك مىندەتتەردى مۇقيات ساقتاي وتىرىپ, كەيبىر جوسپارلارىمىزعا وزگەرىستەر ەنگىزەتىن بولامىز. بىراق ءبىزدىڭ حالقىمىزدىڭ الاڭداۋىنا ەش نەگىز جوق. ونى مەن ايتقانمىن», - دەدى پرەزيدەنت.
ەلباسى ءوز سوزىندە قازاقستان ەكونوميكاسىنىڭ تامىرى تەرەڭ ىرگەسى مىعىم, قورى جەتكىلىكتى ەكەندىگىن باسا اتاپ ءوتتى.
ء"بىز مۇنداي وتكىنشى قيىندىقتاردى تۇگەل الاپات داعدارىستارعا قاراماي, قايىسپاي توتەپ بەرگەنبىز. ازاتتىقتىڭ العاشقى جىلدارىنداعى قيىندىقتاردى ەسكە الىڭىزدار. ازيا داعدارىسىنان, ءتىپتى دۇنيەجۇزىلىك داعدارىستان دا تابىستى وتتىك. ەكونوميكاسى كەمىمەگەن ساناۋلى ەلدەردىڭ قاتارىندا بولدىق. سول كۇندەردىڭ وزىندە بويعا قۋات, ويعا سەنىم ورناتتىق», - دەدى مەملەكەت باسشىسى.
ساكەن مايلىباي.