استانا. 11 اقپان. ۇكىمەتتىڭ كەڭەيتىلگەن وتىرىسىندا سويلەگەن سوزىندە مەملەكەت باسشىسى نۇرسۇلتان نازارباەۆ «نۇرلى جول» باعدارلاماسىنىڭ داعدارىسقا قارسى شارا ەكەنىن ايتتى. بۇل تۋرالى «قازاقپارات» حابارلادى.
«سانامالاپ اتاپ وتكەنىمدەي تەرىس تەندەنتسيالاردى جۇمسارتۋ ءۇشىن وتكەن جىلى كوپتەگەن شارالار اتقارىلدى. «نۇرلى جول» باعدارلاماسى - بۇل داعدارىسقا قارسى شارا. مەن ءدال وسى جىلى قيىندىقتار بولاتىندىعىن ايتقانمىن. ءبىز الدىن وراپ, وسى باعدارلامانى قابىلدادىق. ول قيىن جاعدايدا ەكونوميكامىزدىڭ ءوسىم جانە ءبىزدىڭ ازاماتتارىمىز ءۇشىن جۇمىس ورىندارىن قۇرۋ نۇكتەسى بولىپ تابىلادى», - دەدى ەلباسى.
پرەزيدەنت ءوز سوزىندە بۇگىنگى ۇكىمەتتىڭ كەڭەيتىلگەن وتىرىسى كەڭەس تارتىبىمەن وتەتىندىگىن, مينيسترلەر كابينەتىنىڭ ءاربىر مۇشەسى ءوز پىكىرىن بىلدىرە الاتىندىعىن ەسكەرتتى. ۇكىمەت مۇشەلەرىنىڭ وڭىرلەردى ارالاپ, وبلىس باسشىلارىمەن كەزدەسكەنىن ءارى جەرگىلىكتى كاسىپورىندار مەن اكىمدىكتەر اراسىندا ءوزارا ءىس-قيمىل تۋرالى مەموراندۋمدارعا قول قويىلعاندىعىن ەسكە سالىپ ءوتتى.
ساكەن مايلىباي.