استانا. 11 اقپان. كەشە, 10 اقپان كۇنى رەسەي پروكۋراتۋراسى ۋكراينانىڭ بۇرىنعى پرەزيدەنتى ۆيكتور يانۋكوۆيچتى ۋكرايناعا بەرمەۋ كەرەك دەپ شەشتى. بۇل تۋرالى «ۆەستي.Ru» حابارلادى.
«ءبىز مىندەتتى تۇردە ۋكراينا باس پروكۋراتۋراسىنداعى ارىپتەستەرىمىزدىڭ سۇرانىسىنا جاۋاپ بەرەمىز», - دەپ سەندىردى رەسەيدىڭ باس پروكۋرورى يۋري چايكا ۋكراين جاعىنىڭ ۋكراينانىڭ ەكس-پرەزيدەنتى ۆيكتور يانۋكوۆيچ پەن ونىڭ بىرقاتار جاقتاستارىن تۇتقىنداپ, ۇستاپ بەرۋ جونىندەگى سۇرانىسىنا بايلانىستى. بىراق جاۋاپ سۇرانىستى قاناعاتتاندىرماۋعا قۇرالادى.
يۋري چايكا نەلىكتەن ەكس-پرەزيدەنتتى ۇستاپ بەرە المايتىندارىن دا ايتتى. سەبەبى, رەسەي بۇل كىسىلەردى قۋدالاۋدىڭ استارىنان تەك ساياسي سەبەپتەردى عانا كورىپ تۇر. حالىقارالىق-قۇقىقتىق قۇجاتتار سەكىلدى, رەسەي زاڭناماسى دا ساياسي سيپاتى بار قىلمىستىق قۋدالاۋعا ۇشىراعان شەتەلدىك تۇلعالاردى ۇستاپ بەرۋدى قولدامايدى.
ۋكراينا باس پروكۋرورى 2015 جىلعى 20 قاڭتاردا ەكس-پرەزيدەنت ۆيكتور يانۋكوۆيچتى, ەكس-پرەمەر نيكولاي ازاروۆتى جانە ۋكراينانىڭ بۇرىنعى قارجى ءمينيسترى يۋري كولوبوۆتى ەكستراداتسيا جاساۋ جونىندەگى قۇجاتتاردى دايىنداۋ پروتسەدۋراسىن باستاعان ەدى. 2015 جىلعى 19 قاڭتاردا ۋكراينا باس پروكۋراتۋراسىنىڭ اتالعان تۇلعالاردى ۇستاپ, جاۋاپقا تارتۋ جونىندەگى كەپىلدەمەسىن تەرگەۋ سۋدياسى قاناعاتتاندىردى. بۇل ۇشەۋىنە سونداي-اق ينتەرپول حالىقارالىق ىزدەۋ جاريالادى.
مۇرات ايتقوجا.