مەديتسينالىق بىلىكتىلىك ساناتىن بەرۋ قاعيداسىنا وزگەرىس ەنگىزىلدى

وزگەرىستەرگە ساي 2021 جىلعى 1 قاڭتاردان كەيىن وتكەن سانات مەرزىمدەرى بار, مەرزىم شەكتەلمەگەن ساناتتى قايتا رەسىمدەيتىن, قولدانىستاعى بىلىكتىلىك دەڭگەيىن راستايتىن مەديتسينا قىزمەتكەرلەرىنىڭ ساناتتارى ءبىلىمدى باعالاۋ جانە كەيس-تەست كەزەڭدەرىنەن وتۋدەن بوساتىلادى.

بۇدان باسقا, «مەيىرگەر ءىسى» ماماندىعى بويىنشا ورتا بىلىمنەن كەيىنگى نەمەسە جوعارى مەديتسينالىق ءبىلىم العان تەحنيكالىق جانە كاسىپتىك ءبىلىمى بار مەديتسينا قىزمەتكەرلەرى ءۇشىن بۇرىنعى جۇمىس ءوتىلى ەسكەرىلە وتىرىپ, بالامالى بىلىكتىلىك ساناتىنداعى بىلىكتىلىك دەڭگەيى ساقتالادى.دارىگەرلەرگە تۇسەتىن قارجىلىق جۇكتەمەنى ازايتۋ ءۇشىن ەمتيحاندى ءبىرىنشى رەت قايتا تاپسىرۋ كەزىندە تولەمنەن بوساتۋ تۋرالى شەشىم قابىلداندى. مەيىرگەرلەر ءۇشىن باعالاۋ قۇنى 21 000 تەڭگەدەن 17 000 تەڭگەگە دەيىن تومەندەتىلدى.

مەديتسينا قىزمەتكەرلەرى وسى بۇيرىق كۇشىنە ەنگەن كۇننەن باستاپ 10 كۇن وتكەن سوڭ بىلىكتىلىك دەڭگەيىن راستاۋ راسىمىنەن وتە الادى.