بۇگىن ماجىلىس يننوۆاتسيالىق قىزمەت سالاسىن مەملەكەتتىك قولداۋ جۇيەسىن جەتىلدىرۋ ماسەلەلەرى بويىنشا تۇزەتۋلەردى ءبىرىنشى وقىلىمدا ماقۇلدادى, دەپ جازادى Egemen.kz.
زاڭ جوباسى بىرىڭعاي يننوۆاتسيالىق كلاستەر قۇرۋ جانە وعان قاتىسۋشىلاردى قارقىندى قولداۋ ارقىلى يننوۆاتسيالىق قىزمەت جاعدايىن جاقسارتۋ ءۇشىن ازىرلەنگەن.«يننوۆاتسيالىق تەحنولوگيالار پاركى» (Tech Garden) كلاستەرلىك قورى مەن «استانا حاب» حالىقارالىق تەحنوپاركىن بىرىكتىرىلەدى. بۇل رەتتە ولاردىڭ قاتىسۋشىلارى ءۇشىن بىرىڭعاي قۇقىقتىق بازا مەن ورتاق پرەفەرەنتسيالار جاسالادى.
«بۇگىندە جەر قويناۋىن پايدالانۋشىلار وندىرىستىك شىعىندارىنىڭ 1 پايىزىن «يننوۆاتسيالىق تەحنولوگيالار پاركى» يننوۆاتسيالىق كلاستەرىنە قاتىسۋشىلاردىڭ جوبالارىنا باعىتتاۋعا قۇقىلى. تەحنوپاركتەردى بىرىكتىرگەننەن كەيىن «استانا حاب» قاتىسۋشىلارى دا جەر قويناۋىن پايدالانۋشىلارعا ءوز شەشىمدەرىن ۇسىنا الادى جانە ىرىكتەۋ ناتيجەلەرى بويىنشا ولاردان قارجى الا الادى. بۇل رەتتە «استانا حابتىڭ» جەڭىلدەتىلگەن سالىق رەجيمى مەن جەدەلدەتۋ باعدارلامالارى «يننوۆاتسيالىق تەحنولوگيالار پاركى» يننوۆاتسيالىق كلاستەرىنىڭ باسقا قاتىسۋشىلارىنا دا تارالاتىن بولادى», دەلىنگەن ءماجىلىس حابارلاماسىندا.
بۇگىنگى تاڭدا 1,5 مىڭنان استام IT-كومپانيا – «استانا حاب» تەحنوپاركىنىڭ قاتىسۋشىسى. ولار قازاقستان بويىنشا 28 مىڭنان استام جۇمىس ورنىن قامتاماسىز ەتىپ وتىر. ونىڭ ىشىندە Playrix, Mytona, NetCracker جانە باسقا دا قۇنى ءبىر ميلليارد اقش دوللارىنان اساتىن جەتەكشى جاھاندىق تەحنولوگيالىق كومپانيالار, سونداي-اق تابىستى وتاندىق ستارتاپتار – Alaqan بيومەتريالىق تولەم جۇيەسى (100 مىڭ پايدالانۋشى), EdTech CodiPlay ستارتاپى (بۇكىل الەم بويىنشا 600 مەكتەپتى قامتيدى), بلوكچەين بلوكچەينمەن باسقارىلاتىن سمارت تاقتالاردى ازىرلەۋشى Citix (تۇركيا مەن تاياۋ شىعىس نارىعىنا شىقتى) جانە باسقا كومپانيالار بار. 2019-2024 جىلدار ارالىعىندا تەحنوپارك قاتىسۋشىلارى بيۋدجەتكە 5,5 ملرد تەڭگە سالىق تولەگەن.