1 ءساۋىر كۇنى تايلاندتىڭ پحۋكەت ارالىندا جانتۇرشىگەرلىك جول اپاتى بولىپ, قازاقستان ازاماتى قايتىس بولدى, دەپ حابارلايدى Egemen.kz.
جەرگىلىكتى باق-تىڭ مالىمەتىنشە, قايعىلى وقيعا تۇنگى ساعات 00:45-تە Bypass Rd تاسجولىندا بولعان. ەر ادام جوعارى جىلدامدىقپەن كەلە جاتىپ, موپەدىن باسقارا الماي, جول اپاتىنا ۇشىراعان. ول العان جاراقاتتارىنان وقيعا ورنىندا كوز جۇمعان.
باستاپقىدا جەرگىلىكتى بيلىك ونىڭ ۇيالى تەلەفونىندا ورىس تىلىندەگى جازۋدى بايقاپ, ونى «رەسەيدەن كەلگەن تۋريست» دەپ حابارلاعان. الايدا كەيىنىرەك مارقۇمنىڭ قازاقستان ازاماتى ەكەنى جانە پحۋكەتتە جۇمىس ىستەيتىنى بەلگىلى بولعان.
قازىر تايلاند بيلىگى وقيعانىڭ بارلىق ءمان-جايىن تەكسەرىپ جاتىر.