مەملەكەتتىك قىزمەتتەگى بيزنەس-پروتسەستەردى وڭتايلاندىرۋ قاجەت - ولجاس بەكتەنوۆ

سونىمەن قاتار ول بانكتىك قوسىمشالار ارقىلى جۇرەتىن قاراپايىم ءارى جىلدام پروتسەستەردىڭ ارقاسىندا ونلاين-قىزمەتتەرمەن قامتۋ دەڭگەيى ارتىپ كەلە جاتقانىن اتاپ ءوتتى.  «جالپى مەملەكەتتىك قىزمەتتەردەگى بيزنەس-پروتسەستەردى وڭتايلاندىرۋعا باسا نازار اۋدارۋ كەرەك. پايدالانۋشىلار وزدەرىنە قاجەتتى قىزمەتتىڭ ءبارىن ەڭ كوپ دەگەندە, «ەكى باتىرمانى باسۋ ارقىلى» الۋى ءتيىس. سونىمەن قاتار مەملەكەت باسشىسىنىڭ تاپسىرماسىنا سايكەس جاساندى ينتەللەكتىنى بەلسەندى تۇردە ەنگىزۋ كەرەك. ءبىرىنشى كەزەكتە, «ەلەكتروندى ۇكىمەت» پلاتفورماسىندا وسىعان باسىمدىق بەرىلۋى ءتيىس. ونى قولدانۋ مەملەكەتتىك ورگانداردىڭ اقپاراتتىق جۇيەلەرىنىڭ ۇزدىكسىز جۇمىسىن قامتاماسىز ەتۋى جانە حالىقتىڭ كورسەتىلەتىن قىزمەتتەرگە قول جەتكىزۋىن جەڭىلدەتۋگە ىقپال ەتۋى ءتيىس», دەدى ولجاس بەكتەنوۆ. پرەمەر-مينيستر E-Gov ينفراقۇرىلىمى 24/7 رەجيمىندە ءمىنسىز جۇمىس ىستەۋى كەرەك ەكەنىن اتاپ ءوتىپ, سەرۆەرلىك جابدىقتار مەن باعدارلامالىق قامتاماسىز ەتۋ جۇيەسىن جەتىلدىرۋ باعىتىندا قوسىمشا شارالار قابىلداۋدى تاپسىردى.