يران قارۋلى كۇشتەرىنىڭ باس شتابى يسلام رەسپۋبليكاسىنا باعىتتالعان كەز كەلگەن اگرەسسياعا قاتاڭ جاۋاپ قايتارىلاتىنىن ەسكەرتىپ, جۇزدەگەن بالليستيكالىق زىمىران ۇشىرۋعا دايىن ەكەنىن مالىمدەدى. بۇل تۋرالى يراندىق اسكەريلەر ارنايى مالىمدەمە تاراتتى, دەپ حابارلايدى Egemen.kz.
مالىمدەمەدە يران ءاردايىم ايماقتىق جانە حالىقارالىق بەيبىتشىلىك پەن قاۋىپسىزدىكتى قولدايتىنىن, الايدا ەلگە تونگەن كەز كەلگەن قاۋىپكە, شابۋىلعا نەمەسە تۇتاستىعىن بۇزۋعا باعىتتالعان ارەكەتتەرگە قاتاڭ شارا قولدانىلاتىنى ايتىلعان.
يراندىق اسكەري باسشىلاردىڭ ايتۋىنشا, ەل اۋماعىنداعى زىمىران قوندىرعىلارى تولىق دايىندىقتا تۇر. كەز كەلگەن اگرەسسيالىق ارەكەت باستالعان جاعدايدا بالليستيكالىق زىمىراندار بىردەن ىسكە قوسىلادى.
تەگەران اسىرەسە اقش تاراپىنان جاسالعان وكتەم جانە ارانداتۋشىلىق ارەكەتتەرگە ءجيى تاپ بولاتىنىن مالىمدەدى. بۇعان دەيىن اقش پرەزيدەنتى دونالد ترامپ يراندى «بۇرىن-سوڭدى بولماعان اۋقىمدى بومبالاۋمەن» قورقىتقان ەدى.
يران بيلىگى مۇنداي قىسىمعا توتەپ بەرۋگە دايىن ەكەنىن تاعى ءبىر مارتە ەسكەرتىپ, ەلدىڭ قورعانىس قابىلەتى جوعارى دەڭگەيدە ەكەنىن جەتكىزدى.