ەكومادەنيەت مەكتەپتە قالىپتاسادى

دارىندى وقۋشىلار ەكوجوبالار كورمەسىندە وزدەرىنىڭ عىلىمي جۇمىستارى تۋرالى ەگجەي-تەگجەيلى ايتىپ بەردى. ماسەلەن, ءالىمحان ەرمەكوۆ اتىنداعى №98 مەكتەپ ليتسەيىنىڭ 10-سىنىپ وقۋشىسى ءامينا عۇمىربەك ورمان ءورتىنىڭ الدىن الۋعا كومەكتەسەتىن درونداردى تانىستىردى.

«جوبامنىڭ اتاۋى – «FeuSol». بۇل دروندىق جۇيە ورمان ورتىنە مونيتورينگ جۇرگىزىپ, ءورتتىڭ الدىن الۋعا جانە ونى وشىرۋگە باعىتتالعان. سونىمەن قاتار بۇل درون ورماندا جوعالعان ادامداردى تاۋىپ, زاڭ بۇزۋشىلاردى انىقتاۋعا كومەكتە­سەدى. ودان بولەك, شاعىن اۋماقتار­عا, ساياباقتارعا ينتەرنەت تاراتىپ, «قىزىل كىتاپقا» ەنگەن جانۋارلاردىڭ قوزعالىسىن باقىلايدى. مەن وسى جوبامدى ۆەتنامدا وتكەن حالىقارالىق بايقاۋدا تانىستىرىپ, جۇلدەلى ەكىنشى ورىن الدىم», دەدى ءامينا عۇمىربەك.

ال الكەي مارعۇلان اتىنداعى №40 مەكتەپ-ليتسەيىنىڭ 5-سىنىپ وقۋ­شى­لارى نۇرباقىت ەرمەك ۇلى مەن ايزات شايا­ح­مەت ەسىل وزەنىنىڭ ەكو­لو­گيا­لىق جاعدايىن جاقسارتۋعا باعىت­تال­عان جوبا­لارىن كوپشىلىك نازارىنا ۇسىن­دى. قازىرگى تاڭدا وزەن جىلىنا ءبىر رەت قانا تازالاناتىندىقتان, وقۋ­شى­­لار ونى جىلىنا 5-6 رەت تازارتۋ قا­جەت ەكەنىن العا تارتتى. سونىمەن قا­تار قورعانىش تەمىر تورلار ورناتۋ ار­قى­لى قوقىستى ازايتۋعا بولاتىنىن دالەل­دەدى.

جيىن بارىسىندا مەكتەپكە پلاس­تيك بوتەلكەلەردى قابىلدايتىن فوندامات پەن قوقىس سۇرىپتاۋعا ارنالعان ەكوبوكس­تار قويىلدى. «EcoQolday» جۇيەسىنىڭ كومەگىمەن وقۋشىلار قالدىقتاردى دۇرىس كادەگە جاراتىپ قانا قويماي, ەكولوگيالىق كونكۋرسقا قاتىسا الادى. جەزقازعان مەك­تەپتەرىندە قاعاز, شىنى جانە پلاس­تيك جيناۋعا ارنالعان ەكوبوكس­تار ورنا­تىلىپ قويعان جانە بۇل تاجىريبە جاقىن ارادا استانانىڭ بار­لىق مەكتە­بىنە تاراتىلماق. «EcoQolday» جۇيەسى ايا­سىندا ەڭ كوپ قايتا وڭدەلەتىن ماتەريال تاپسىرعان مەكتەپتەر ارنايى جۇل­دە­لەرمەن ماراپاتتالادى.

–  «تازا قازاقستان» اكتسياسىنىڭ ءمانى مەن ماڭىزى وتە زور. ونىڭ باستى ماقساتى – ەكولوگيالىق مادەنيەتتى قالىپتاستىرۋ. ءبىز جىل سايىن ەلىمىزدە 4,5 ميلليون توننا قوقىس جينالاتىنىن ەسكەرسەك, بۇل ماسەلەنىڭ قان­شالىقتى وزەكتى ەكەنىن تۇسىنەمىز. كۇندەلىكتى ومىردە قولداناتىن زات­تاردىڭ قالدىقتارى, پلاستيكتەر, قاعازدار, ءتۇرلى قاپتامالار دۇرىس سۇرىپتالماعان جاعدايدا قورشاعان ورتاعا وراسان زيان تيگىزەدى. بۇگىنگى كەزدە­سۋدە وقۋشىلار ەكولوگيا سالا­سىن­داعى يننوۆاتسيالىق جوبالارىن تانىس­تىرىپ, ءوز ويلارىن ورتاعا سالىپ جاتىر. بۇل – وتە قۇپتارلىق جاعداي. بىراق جاس ونەرتاپقىشتار مەن وقۋشىلاردىڭ عىلىمي-زەرتتەۋ ەڭبەكتەرى تەك مەكتەپ دەڭگەيىندە قالىپ قويماي, وندىرىسكە ەنگىزىلۋى ءتيىس. بيىلعى كوكتەمدە مينيسترلىك مەكتەپتەرگە كوگالداندىرۋ جۇمىستارىن جۇرگىزۋگە ارنايى كوشەتتەر بول­گەن ەدى. الداعى ۋاقىتتا بۇل باستاما جال­عاسىن تاۋىپ, ەلىمىزدىڭ تۇكپىر-تۇك­پىرىندە ەكولوگيالىق جوبالار جۇزەگە اسى­رىل­ماق, – دەدى ەكولوگيا جانە تابيعي رەسۋرستار ءمينيسترى ەرلان نىسانباەۆ.