2014 جىلعى 9 جەلتوقسان, استانا قالاسى
بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارىن بەكىتۋ تۋرالى
«نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسى كودەكسىنىڭ 111-بابى 4-تارماعىنا سايكەس بۇيىرامىن:
1. قوسا بەرىلىپ وتىرعان بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارى بەكىتىلسىن.
2. قازاقستان رەسپۋبليكاسى ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتى (ز.ج. ورازاليەۆا) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى;
3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن.
4. وسى بۇيرىق العاش رەت رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا. ءسارىنجىپوۆ.
كەلىسىلدى
قازاقستان رەسپۋبليكاسى ىشكى ىستەر ءمينيسترى
2015 جىلعى «____» ____________
___________________ق.ن.قاسىموۆ
كەلىسىلدى
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترى
2015 جىلعى «____» ____________
__________________ت.ب.دۇيسەنوۆا
كەلىسىلدى
قازاقستان رەسپۋبليكاسى سىرتقى ىستەر ءمينيسترى
2015 جىلعى «____» ____________
__________________ە.ءا.ىدىرىسوۆ
كەلىسىلدى
قازاقستان رەسپۋبليكاسى ادىلەت ءمينيسترى
2015 جىلعى «____» ____________
__________________ ب.م.يماشەۆ
قازاقستان رەسپۋبليكاسى ءبىلىم جانە عىلىم ءمينيسترىنىڭ
2014 جىلعى 9 جەلتوقسانداعى №513 بۇيرىعىمەن بەكىتىلگەن
بالا اسىراپ الۋ جونiندەگi اگەنتتiكتەردi اككرەديتتەۋ قاعيدالارى
1. جالپى ەرەجەلەر
1. وسى بالا اسىراپ الۋ جونiندەگi اگەنتتiكتتەردi اككرەديتتەۋ قاعيدالارى «نەكە (ەرلى-زايىپتىلىق) جانە وتباسى تۋرالى» قازاقستان رەسپۋبليكاسىنىڭ 2011 جىلعى 26 جەلتوقسانداعى كودەكسىنىڭ (بۇدان ءارى – كودەكس) 111-بابىنىڭ 4-تارماعىنا سايكەس ازىرلەنگەن جانە قازاقستان رەسپۋبليكاسىنىڭ اۋماعىندا بالا اسىراپ الۋ جونىندەگى قىزمەتتى فيليالدار جانە (نەمەسە) وكىلدىكتەر قۇرۋ جولىمەن جۇزەگە اسىراتىن اگەنتتىكتەردى اككرەديتتەۋ ءتارتىبىن ايقىندايدى.
2. وسى قاعيدالاردا مىناداي ۇعىمدار پايدالانىلادى:
1) بالا اسىراپ الۋ جونiندەگi اگەنتتiكتەر (بۇدان ءارى – اگەنتتىكتەر) – ءوز مەملەكەتىنىڭ اۋماعىندا بالالاردى اسىراپ الۋ جونىندەگى قىزمەتتى جۇزەگە اسىراتىن جانە كودەكستە بەلگىلەنگەن تارتىپپەن قازاقستان رەسپۋبليكاسىنىڭ اۋماعىندا وسىنداي قىزمەتتى جۇزەگە اسىرۋ ءۇشىن اككرەديتتەلگەن كوممەرتسيالىق ەمەس شەتەلدىك ۇيىمدار;
2) اككرەديتتەۋ – ۋاكىلەتتى ورگانىنىڭ – قازاقستان رەسپۋبليكاسىنىڭ ءبىلىم جانە عىلىم مينيسترلىگى بالالاردىڭ قۇقىقتارىن قورعاۋ كوميتەتىنىڭ (بۇدان ءارى – كوميتەت) اگەنتتىكتەردىڭ ءوز قىزمەتىن جۇزەگە اسىرۋ قۇقىعىن رەسمي تانۋى.
3. اككرەديتتەۋ تۋرالى ءوتىنىش بەرگەن ساتتە ءوز مەملەكەتىنىڭ اۋماعىندا اتالعان سالادا ءوز قىزمەتىن كەمىندە ون جىل جۇزەگە اسىراتىن اگەنتتىكتەر اككرەديتتەۋگە جاتادى.
2. اگەنتتiكتەردi اككرەديتتەۋ ءتارتiبi
4. اگەنتتىكتەردى اككرەديتتەۋ, ونىڭ ىشىندە اككرەديتتەۋدەن باس تارتۋ تۋرالى ماسەلەنى كوميتەت قارايدى.
5. كودەكستىڭ 112-بابىنا سايكەس اگەنتتىكتىڭ سەنىم بىلدىرگەن ادامى بالالاردى اسىراپ الۋ جونىندەگى جۇمىستى جۇزەگە اسىرۋ ءۇشىن كوميتەتكە مىناداي قۇجاتتاردى:
1) وسى قاعيدالاردىڭ قوسىمشالارىنا سايكەس نىسان بويىنشا ءوتىنىشتى;
2) قۇرىلتاي قۇجاتتارىنىڭ نوتاريالدى كۋالاندىرىلعان كوشىرمەلەرىن;
3) ونىڭ ءتيىستى سالادا قىزمەتتى جۇزەگە اسىرۋ وكىلەتتىگىن راستايتىن, اگەنتتىك ورنالاسقان مەملەكەتتىڭ قۇزىرەتتى ورگانى بەرگەن قۇجاتتىڭ كوشىرمەسىن;
4) اگەنتتىكتىڭ وكىلەتتىگىن راستايتىن قۇجاتتى بەرگەن نەمەسە اگەنتتىكتىڭ قازاقستان رەسپۋبليكاسىنىڭ اۋماعىندا ءتيىستى قىزمەتتى جۇزەگە اسىرۋ مۇمكىندىگى تۋرالى قىزمەتىنە باقىلاۋدى جۇزەگە اسىراتىن مەملەكەتتىڭ قۇزىرەتتى ورگانىنىڭ ۇسىنىم حاتىن;
5) بالا اسىراپ الۋعا ۇمىتكەرلەرگە اگەنتتىك ۇسىناتىن, كورسەتىلەتىن قىزمەتتەردىڭ تىزبەسىن;
6) اسىراپ الىنعان بالالاردىڭ تۇرمىس جاعدايلارى مەن تاربيەسىنە باقىلاۋدى جۇزەگە اسىرۋ جانە بەلگىلەنگەن تارتىپپەن ءتيىستى ەسەپتەر جانە اقپارات بەرۋ جونىندەگى مىندەتتەمەنى;
7) بالا اسىراپ الۋشىلاردىڭ وزدەرى تۇراتىن مەملەكەتكە كەلگەن سوڭ اسىراپ الىنعان بالانىڭ قازاقستان رەسپۋبليكاسىنىڭ كونسۋلدىق مەكەمەسىندە ەسەپكە قويىلۋىن باقىلاۋدى جۇزەگە اسىرۋ جونىندەگى مىندەتتەمەسىن;
8. اگەنتتىكتىڭ سەنىم بىلدىرگەن ادامعا بەرگەن نوتارياتتا كۋالاندىرىلعان سەنىمحاتتى قوسا تىركەي وتىرىپ, ءوتىنىش بەرەدى.
وسى تارماقتىڭ 2), 3), 4), 5) تارماقشالارىندا سانامالانعان قۇجاتتار ولار بەرىلگەن كۇننەن باستاپ التى اي بويى جارامدى بولادى.
6. بارلىق ۇسىنىلعان قۇجاتتار «كونسۋلدىق زاڭداستىرۋ ەرەجەلەرiن بەكىتۋ تۋرالى» قازاقستان رەسپۋبليكاسى سىرتقى ىستەر مينيسترلىگىنىڭ 2000 جىلعى 21 قاراشاداعى №264 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ رەەسترىندە №1350 تىركەلدى) جانە «بالالاردى قورعاۋ جانە بالانى شەتەلدىك اسىراپ الۋعا قاتىستى ىنتىماقتاستىق تۋرالى كونۆەنتسيانى راتيفيكاتسيالاۋ تۋرالى» قازاقستان رەسپۋبليكاسىنىڭ 2010 جىلعى 12 ناۋرىزداعى №253-IV زاڭىنا سايكەس زاڭداستىرىلۋى ءتيىس.
قازاقستان رەسپۋبليكاسىنان تىس جەردە بەرىلگەن قۇجاتتار ءتيىستى شەت مەملەكەتتىڭ مەملەكەتتىك تىلىندە ۇسىنىلادى, سونداي-اق قازاق جانە ورىس تىلدەرىنە اۋدارىلۋعا جاتادى.
7. سەنىم بىلدىرىلگەن ادامنىڭ اككرەديتتەۋ تۋرالى ءوتىنىشىن كوميتەت وسى قاعيدالاردىڭ 5-تارماعىندا كورسەتىلگەن قۇجاتتار ۇسىنىلعان ساتتەن باستاپ كۇنتىزبەلىك وتىز كۇن ىشىندە قارايدى.
8. اگەنتتىكتى اككرەديتتەۋ تۋرالى شەشىمدى كوميتەت ءوز قۇزىرەتى شەگىندە اككرەديتتەۋ مۇمكىندىگى تۋرالى ءتيىستى قورىتىندىلار بەرەتىن ىشكى ىستەر, سىرتقى ىستەر, دەنساۋلىق ساقتاۋ جانە الەۋمەتتىك دامۋ, ادىلەت مينيسترلىكتەرىمەن (بۇدان ءارى – مەملەكەتتىك ورگاندار) كەلىسىم بويىنشا قابىلدايدى.
كوميتەت ەكى جۇمىس كۇنى ىشىندە وسى قاعيدالاردىڭ 5-تارماعىندا كورسەتىلگەن قۇجاتتاردى ۋاكىلەتتى ورگاننان قۇجاتتار مەن سۇراۋ سالۋ تۇسكەن ساتتەن باستاپ ون جۇمىس كۇنى ىشىندە اگەنتتىكتىڭ قازاقستان رەسپۋبليكاسىنىڭ اۋماعىندا قىزمەتىن جۇزەگە اسىرۋ مۇمكىندىگى تۋرالى قورىتىندى ۇسىناتىن مەملەكەتتiك ورگاندارعا كەلىسۋ ءۇشىن جولدايدى.
9. اگەنتتىكتى اككرەديتتەۋ نەمەسە اككرەديتتەۋدەن باس تارتۋ تۋرالى شەشىمدى كوميتەت ول قابىلدانعان كۇننەن باستاپ ون جۇمىس كۇنى ىشىندە بەرەدى, باس تارتىلعان جاعدايدا ونى نەگىزدەيدى.
10. اگەنتتىكتى اككرەديتتەۋ تۋرالى شەشىم جوعالعان كەزدە, وكىل ءتيىستى ءوتىنىش بەرىلگەن كۇننەن باستاپ ون جۇمىس كۇنى ىشىندە كوميتەتتەن ونىڭ تەلنۇسقاسىن الادى.
بۇل رەتتە, اگەنتتىكتى اككرەديتتەۋ تۋرالى شەشىم تۇپنۇسقاسىنىڭ كۇشى جويىلدى دەپ تانىلادى.
11. اگەنتتىكتەر ءبىر جىل مەرزىمگە اككرەديتتەلەدى. اگەنتتىكتى اككرەديتتەۋ تۋرالى شەشىم يەلىكتەن شىعارىلمايدى جانە باسقا ادامدارعا بەرۋگە جاتپايدى.
12. كودەكستىڭ 112-بابىنا سايكەس اگەنتتىكتى اككرەديتتەۋدەن, ونىڭ قىزمەت مەرزىمىن ۇزارتۋدان جانە (نەمەسە) ونىڭ قىزمەتىن مەرزىمىنەن بۇرىن توقتاتۋدان باس تارتۋ نەگىزدەرى:
1) ۇسىنىلعان قۇجاتتاردىڭ قازاقستان رەسپۋبليكاسىنىڭ زاڭناماسىندا بەلگىلەنگەن تالاپتارعا سايكەس بولماۋى;
2) ءوز قىزمەتى تۋرالى دايەكسىز مالىمەتتەر ۇسىنۋى;
3. اگەنتتىكتىڭ نەمەسە ونىڭ فيليالدارىنىڭ جانە (نەمەسە) وكىلدىكتەرىنىڭ قىزمەتى تۋرالى شەت مەملەكەتتىڭ قۇزىرەتتى ورگاندارىنان, سونداي-اق وسى قاعيدالاردىڭ 8-تارماعىندا كورسەتىلگەن قازاقستان رەسپۋبليكاسىنىڭ مەملەكەتتىك ورگاندارىنان كەلىپ تۇسكەن كەلەڭسىز اقپاراتتىڭ بولۋى;
4) اگەنتتىك ورنالاسقان مەملەكەتتەگى قولايسىز الەۋمەتتىك-ەكونوميكالىق, ساياسي, ەكولوگيالىق احۋال, اسكەري ءىس-قيمىلداردىڭ جۇزەگە اسىرىلۋى;
5) اگەنتتىكتىڭ فيليالى جانە (نەمەسە) وكىلدىگى قىزمەتكەرلەرىنىڭ قازاقستان رەسپۋبليكاسىنىڭ زاڭناماسىن بۇزۋى;
6. اگەنتتىكتىڭ اسىراپ الىنعان بالالاردىڭ تۇرمىس جاعدايلارى مەن تاربيەسىن باقىلاۋ جانە زاڭنامادا بەلگىلەنگەن تارتىپپەن ءتيىستى ەسەپتەر جانە اقپارات بەرۋ جونىندەگى ءوز مىندەتتەمەلەرىن بۇزۋى;
7) اگەنتتىكتىڭ اسىراپ الىنعان بالانىڭ زاڭنامادا بەلگىلەنگەن تارتىپپەن قازاقستان رەسپۋبليكاسىنىڭ كونسۋلدىق مەكەمەسىندە ەسەپكە قويىلۋىن باقىلاۋدى جۇزەگە اسىرۋ جونىندەگى ءوز مىندەتتەمەلەرىن بۇزۋى;
8) اگەنتتىكتىڭ ءوز مەملەكەتى اۋماعىندا قىزمەتىنىڭ توقتاتىلۋى بولىپ تابىلادى.
13. ءوز قىزمەتىن اككرەديتتەۋدەن باس تارتۋ تۋرالى شەشىمدى العان اگەنتتىك كوميتەتكە التى اي وتكەن سوڭ قايتادان جۇگىنەدى.
3. فيليالداردىڭ جانە (نەمەسە) وكىلدىكتەردىڭ قىزمەتىن ۇزارتۋ,توقتاتا تۇرۋ جانە (نەمەسە) مەرزىمىنەن بۇرىن توقتاتۋ
14. اگەنتتىكتى اككرەديتتەۋ مەرزىمىن ۇزارتۋ ءۇشىن ول اككرەديتتەۋ مەرزىمى وتكەنگە دەيىن كۇنتىزبەلىك وتىز كۇننەن كەشىكتىرمەي كوميتەتكە مەرزىمدى ۇزارتۋ تۋرالى ءوتىنىش بەرەدى.
اگەنتتىكتى اككرەديتتەۋ مەرزىمىن ۇزارتۋ تۋرالى ءوتىنىشتى كوميتەت ءوتىنىشتى قابىلداعان كۇننەن باستاپ ون جۇمىس كۇنى ىشىندە قارايدى. اگەنتتىكتى اككرەديتتەۋ مەرزىمىن ۇزارتۋ نە ۇزارتۋدان باس تارتۋ تۋرالى دالەلدى شەشىمدى كوميتەت قابىلداپ, اگەنتتىكتىڭ فيليالىنا جانە (نەمەسە) وكىلدىگىنە شەشىم قابىلدانعان كۇننەن باستاپ بەس جۇمىس كۇنى ىشىندە جىبەرەدى.
15. ەگەر ولار اگەنتتىكتى العاشقى اككرەديتتەۋدەن كەيىن ءبىر جىل ىشىندە قازاقستان رەسپۋبليكاسىنىڭ زاڭناماسىندا بەلگىلەنگەن بارلىق تالاپتاردى ساقتاعان بولسا, وسى قاعيدالاردىڭ 11-تارماعىندا كوزدەلگەن مەرزىم وتكەن سوڭ اككرەديتتەۋ مەرزىمى وزدىگىنەن ۇزارتىلادى.
16. كوميتەت:
1) كودەكستىڭ جانە وسى قاعيدالاردىڭ نورمالارى ساقتالماعان;
2) كوميتەتكە جانە (نەمەسە) وزگە دە مەملەكەتتىك ورگاندارعا فيليالدىڭ جانە (نەمەسە) وكىلدىكتىڭ قىزمەتىنە نەگىزدەلىپ شاعىمدار جاسالعان جاعدايدا, اگەنتتىكتى اككرەديتتەۋ تۋرالى شەشىمنىڭ قولدانىلۋىن توقتاتا تۇرادى.
17. اگەنتتىكتى اككرەديتتەۋ تۋرالى شەشىمنىڭ قولدانىلۋىن توقتاتا تۇرۋعا اكەپ سوققان بۇزۋشىلىقتار ءبىر اي ىشىندە جويىلعان كەزدە كوميتەت ونى قايتادان قولدانىسقا ەنگىزەدى.
ەگەر اگەنتتىك قىزمەتىن توقتاتا تۇرۋعا اكەپ سوققان بۇزۋشىلىقتار ء(مان-جايلار) بەلگىلەنگەن مەرزىمدە جويىلماسا, كوميتەت اگەنتتىك قىزمەتىن توقتاتۋ تۋرالى شەشىم قابىلدايدى.
18. فيليالدىڭ جانە (نەمەسە) وكىلدىكتىڭ قىزمەتىن مەرزىمىنەن بۇرىن توقتاتۋ, ونىڭ قىزمەتىن ۇزارتۋ تۋرالى شەشىمدى كوميتەت نەگىزدەلىپ قابىلدانعان كۇننەن باستاپ ون جۇمىس كۇنى ىشىندە قابىلدايدى.
19. فيليالدىڭ جانە (نەمەسە) وكىلدىكتىڭ قىزمەتى مىناداي جاعدايلاردا:
1) بالالاردى اسىراپ الۋ جونىندەگى قىزمەتىن اگەنتتىكتىڭ قۇرىلتاي قۇجاتتارىنا سايكەس جۇزەگە اسىرماسا;
2) اگەنتتىكتى اككرەديتتەۋ تۋرالى شەشىمنىڭ قولدانىلۋىن توقتاتا تۇرۋعا اكەپ سوققان بۇزۋشىلىقتاردى ءبىر اي ىشىندە جويماسا;
3) فيليال جانە (نەمەسە) وكىلدىك قىزمەتىن توقتاتۋ تۋرالى ءوتىنىش بەرسە;
4) اگەنتتىكتى اككرەديتتەۋ تۋرالى شەشىمنىڭ قولدانىلۋ مەرزىمى وتسە جانە اككرەديتتەۋ مەرزىمىن جاڭا مەرزىمگە ۇزارتۋ مۇمكىن بولماسا توقتاتىلادى.
20. اگەنتتىك فيليالىنىڭ جانە (نەمەسە) وكىلدىگىنىڭ قىزمەتىن توقتاتۋ ماسەلەلەرىن ۋاكىلەتتى ورگان وسى قاعيدالاردىڭ 19-تارماعىندا كورسەتiلگەن ءمان-جايلار انىقتالعان (تۋىنداعان) كۇننەن باستاپ ون جۇمىس كۇنى ىشىندە قارايدى.
21. قىزمەتىن توقتاتا تۇرۋ نەمەسە توقتاتۋ تۋرالى دالەلدى شەشىم قابىلدانعاننان كەيىن كوميتەت فيليالدى جانە (نەمەسە) وكىلدىكتى بەس جۇمىس كۇنى ىشىندە حاباردار ەتەدى.
22. فيليالدىڭ جانە (نەمەسە) وكىلدىكتىڭ قىزمەتىن توقتاتا تۇرۋ نەمەسە مەرزىمىنەن بۇرىن توقتاتۋ تۋرالى دالەلدى شەشىم ونى بۇقارالىق اقپارات قۇرالدارىندا ورنالاستىرۋ ارقىلى ءتيىستى اكىمشىلىك-اۋماقتىق ءبولىنىستىڭ اۋماعىندا تاراتىلادى.
23. اگەنتتىك باسشىسىنىڭ تەگى, اتى, اكەسىنىڭ اتى جانە (نەمەسە) زاڭدى تۇلعانىڭ اتاۋى, ۇيىمدىق-قۇقىقتىق نىسانى وزگەرگەن جاعدايدا اككرەديتتەلگەن اگەنتتiكتەر اككرەديتتەۋ تۋرالى شەشىمدى قايتا رەسىمدەۋ تۋرالى كوميتەتكە كورسەتىلگەن مالىمەتتەردى راستايتىن قۇجاتتاردى جانە وسى قاعيدالاردىڭ 5-تارماعىندا كورسەتىلگەن قۇجاتتاردى قوسا وتىرىپ ءوتىنىش بەرەدى.
24. كوميتەت ءتيىستى جازباشا ءوتىنىش تۇسكەن كۇننەن باستاپ بەس جۇمىس كۇنى ىشىندە اگەنتتiكتەردى اككرەديتتەۋ تۋرالى شەشىمدى قايتا رەسىمدەيدى.
بۇل رەتتە, اگەنتتiكتەردى اككرەديتتەۋ تۋرالى بۇرىن بەرىلگەن شەشىمنىڭ كۇشى جويىلدى دەپ تانىلادى جانە كوميتەتكە قايتارىلادى.
بالا اسىراپ الۋ جونىندەگى اگەنتتىكتەردى اككرەديتتەۋ قاعيدالارىنا قوسىمشا
ۇلگى
قازاقستان رەسپۋبليكاسى ءبىلىم جانە عىلىم مينيسترلىگى
بالالاردىڭ قۇقىقتارىن قورعاۋ كوميتەتىنىڭ توراعاسىنا
________________________________________________
(تەگى, اتى, اكەسىنىڭ اتى (بار بولعان جاعدايدا)
بالا اسىراپ الۋ جونىندەگى اگەنتتىكتىڭ سەنىم بىلدىرگەن ادامىنان
______________________________________________________
(بايلانىس تەلەفوندارىن كورسەتە وتىرىپ, قىسقارتۋسىز تولىق
اگەنتتىكتىڭ اتاۋى, تەگى, اتى, اكەسىنىڭ اتى (بار بولعان جاعدايدا)
ءوتىنىش
سىزدەن قازاقستان رەسپۋبليكاسىنىڭ اۋماعىندا بالا اسىراپ الۋ جونىندەگى قىزمەتتى جۇزەگە اسىراتىن ____________________________________________ (اگەنتتىكتىڭ اتاۋىن جانە مەملەكەتتىڭ مەكەن-جايىن كورسەتۋ) بالا اسىراپ الۋ اگەنتتىكتى اككرەديتتەۋ مۇمكىندىگى ءۇشىن ۇسىنىلعان قۇجاتتاردى قاراستىرۋدى سۇرايمىز.
«___» _______ 20__جىل ___________________________ سەنىم بىلدىرگەن ادامنىڭ قولى
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10372 بولىپ ەنگىزىلدى.