ءالى دە جاڭعىرتۋدى جانە زاڭنامالىق قامتاماسىز ەتۋدى قاجەتسىنەدى
پارلامەنت سەناتىندا «قازاقستان رەسپۋبليكاسىنىڭ زەينەتاقى جۇيەسىن ودان ءارى جاڭعىرتۋ جانە ونى زاڭنامالىق قامتاماسىز ەتۋ جونىندەگى شارالار تۋرالى» دوڭگەلەك ۇستەل وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
مەملەكەت باسشىسى ن.ءا.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىن ىسكە اسىرۋ اياسىندا شارانى سەناتتىڭ الەۋمەتتىك-مادەني دامۋ جانە عىلىم كوميتەتى ۇيىمداستىردى.
وتىرىستى اشا كەلىپ, سەنات كوميتەتىنىڭ توراعاسى اقان بيجانوۆ ازاماتتاردى زەينەتاقىمەن قامتاماسىز ەتۋ مەملەكەتىمىزدىڭ الەۋمەتتىك-ەكونوميكالىق ماڭىزدى مىندەتتەرىنىڭ ءبىرى ەكەنىن اتاپ ءوتتى. «وزگەرىپ وتىرعان ەكونوميكالىق جاعدايعا وراي ۇلتتىق زەينەتاقى جۇيەسىن بەيىمدەۋگە ارنالعان رەفورمالار جۇرگىزۋدى ۋاقىت تالاپ ەتىپ وتىر. وسىعان بايلانىستى, پارلامەنت ەلىمىزدىڭ زەينەتاقى جۇيەسىن 2030 جىلعا دەيىن ودان ءارى جاڭعىرتۋ تۇجىرىمداماسىنا سايكەس, زەينەتاقى زاڭناماسىن جەتىلدىرۋدى كوزدەيتىن زاڭ جوباسىمەن جۇمىس ىستەپ كەلەدى», – دەدى سەناتور.
دوڭگەلەك ۇستەلدە دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا نەگىزگى بايانداما جاساپ, زاڭ جوباسىنداعى جاڭالىقتار مەن زەينەتاقى جۇيەسىن ودان ءارى جاڭعىرتۋ تۋرالى حاباردار ەتتى. ءمينيستردىڭ ايتۋىنشا, 2017 جىلعى 1 شىلدەدەن باستاپ بازالىق زەينەتاقىنى تاعايىنداۋ ءتارتىبىن وزگەرتۋ, 2018 جىلعى 1 قاڭتاردان باستاپ جۇمىس بەرۋشىنىڭ ەسەبىنەن قوسىمشا 5 پايىز زەينەتاقى جارناسىن ەنگىزۋ, 2016 جىلعى 1 قاڭتاردان باستاپ كۇش قۇرىلىمدار قىزمەتكەرلەرىن زەينەتاقىمەن قامتاماسىز ەتۋدى رەفورمالاۋ, ولاردى تولىقتاي مەملەكەتتىك زەينەتاقىمەن قامتاماسىز ەتۋگە كوشىرۋ قاراستىرىلىپ وتىر.
بازالىق زەينەتاقى تولەمدەرى زەينەتاقى جۇيەسىنە قاتىسۋ وتىلىنە بايلانىستى تاعايىندالاتىن بولادى. 10 جانە ودان از جىل ءوتىلى بولعاندا ونىڭ كولەمى ەڭ تومەنگى كۇنكورىس دەڭگەيى مولشەرىنىڭ 50 پايىزىنا تەڭ بولادى, 10 جىلدان اسقانداعى ءار تولىق جىلدا ونىڭ كولەمى ەڭ تومەنگى كۇنكورىس دەڭگەيى مولشەرىنىڭ 2 پايىزىنا ۇلعايادى, 35 جىلدىق ءوتىلى بولعاندا ول ەڭ تومەنگى كۇنكورىس دەڭگەيىنىڭ مولشەرىنە تەڭ بولادى.
وسى تاقىرىپ بويىنشا ۇلتتىق بانك توراعاسىنىڭ ورىنباسارى د.عاليەۆا, «بزجق» اق باسقارما ءتوراعاسى ر.ەردەناەۆ, قورعانىس ءمينيسترىنىڭ ورىنباسارى ب.شولپانقۇلوۆ, كاسىپوداقتار فەدەراتسياسى باسقارماسى ءتوراعاسىنىڭ ورىنباسارى ق.ايتۋعانوۆ ءوز ويلارىن ورتاعا سالدى.
شارا قورىتىندىسى بويىنشا زەينەتاقىمەن قامتاماسىز ەتۋ جۇيەسىن جانە ونىڭ قۇقىقتىق نەگىزدەرىن جەتىلدىرۋگە قاتىستى ۇسىنىستار ازىرلەنىپ, ءتيىستى مەملەكەتتىك ورگاندارعا جىبەرىلەتىن بولدى.