پرەزيدەنتكە ەلىمىزدىڭ الەۋمەتتىك-ەكونوميكالىق دامۋى, وركەندەۋدىڭ جاڭا باعىتتارى جانە ەكونوميكالىق رەفورمالاردى جۇزەگە اسىرۋ جۇمىستارى جونىندە باياندالدى, دەپ جازادى Egemen.kz
بيىلعى قاڭتار-اقپان ايلارىندا ەكونوميكانىڭ ءوسىمى 5,4 پايىزدى قۇرادى.
پرەمەر-مينيستر ۇلتتىق قۇرىلتايدىڭ ءتورتىنشى وتىرىسىندا مەملەكەت باسشىسى جۇكتەگەن ءىرى ينفراقۇرىلىمدىق جانە ەنەرگەتيكالىق جوبالاردى ىسكە اسىرۋعا, تسيفرلاندىرۋ مەن ادامي كاپيتالدى دامىتۋعا قاتىستى مىندەتتەردى ورىنداۋ ءۇشىن قابىلدانىپ جاتقان شارالار تۋرالى مالىمەت بەردى.
قاسىم-جومارت توقاەۆ ۇكىمەت باسشىسى جەتەكشىلىك ەتەتىن رەسپۋبليكالىق شتابتىڭ سۋ تاسقىنىنا قارسى ءىس-شارالار جونىندەگى ەسەبىن تىڭدادى. جاعداي تاۋلىك بويى باقىلاۋعا الىنعان. 37 مىڭنان استام قىزمەتكەر مەن 13 مىڭ تەحنيكا دايىندالدى.
كەزدەسۋ سوڭىندا مەملەكەت باسشىسى ەكونوميكانىڭ ناقتى سەكتورىن قولداۋ, ينۆەستيتسيا تارتۋ جانە الەۋمەتتىك ساياساتتى جەتىلدىرۋ جۇمىستارىن جالعاستىرۋدى تاپسىردى.