مەملەكەت باسشىسى قازاقستان رەسپۋبليكاسى قاۋىپسىزدىك كەڭەسىنىڭ وتىرىسىن وتكىزدى. پرەزيدەنتتىڭ ءباسپاسوز حاتشىسى ءارى كەڭەسشىسى رۋسلان جەلدىباي جيىن بارىسىندا بارلىق سالالىق ۆەدومستۆونىڭ اتىنا سىن-ەسكەرتپەلەر ايتىلىپ, ەگجەي-تەگجەيلى تالقىلاۋ وتكەنىن مالىمدەدى, دەپ جازادى Egemen.kz.
مەملەكەت باسشىسى ەكسترەميزم مەن تەرروريزمگە قارسى كۇرەستى جانە ۇلتتىق قاۋىپسىزدىكتى نىعايتۋعا باعىتتالعان ۇيلەسىمدى جۇمىستى كۇشەيتۋ قاجەت ەكەنىنە نازار اۋداردى. قاسىم-جومارت توقاەۆ «زاڭ جانە ءتارتىپ» قاعيداتى نەگىزىندە جۇمىستى ۇيىمداستىرۋدىڭ اسا ماڭىزدىلىعىن اتاپ ءوتىپ, اتالعان سالالارداعى جاعدايعا تالداۋ جاسادى. پرەزيدەنت ازىق-ت ۇلىك جانە ەكولوگيالىق قاۋىپسىزدىكتى قامتاماسىز ەتۋدىڭ, ەل ازاماتتارىن الاڭداتاتىن ماسەلەلەردى شەشۋ ءۇشىن تسيفرلىق قۇرالدار مەن جاساندى ينتەللەكتىنى دامىتۋدىڭ وزەكتىلىگىنە توقتالدى. مەملەكەت باسشىسى بارشا قوعامنىڭ مۇددەسى ءۇشىن ۇكىمەتكە ادىلەتتى قازاقستاندى قۇرۋ باعدارلاماسىن ىسكە اسىرۋعا كۇش سالۋدى تاپسىردى.