سولتۇستىك ماكەدونيادا تۇنگى كلۋبتا بولعان ورتتەن 60 ادامنىڭ قازا تابۋىنا بايلانىستى 7 كۇندىك ۇلتتىق ازا تۇتۋ جاريالاندى, دەپ حابارلايدى Egemen.kz.
جەكسەنبى كۇنى سولتۇستىك ماكەدونيانىڭ كوچاني قالاسىنداعى «Pulse» تۇنگى كلۋبىندا ءورت شىقتى. قازا بولعان 60 ادامنان بولەك, 150 ادام جاراقات الدى. اكىمشىلىك جاۋاپتى 15 ادامدى قاماۋعا الدى.
ىشكى ىستەر ءمينيسترى پانچە توشكوۆسكي جۋرناليستەرگە بەرگەن مالىمەتىندە ءورتتىڭ جەرگىلىكتى پوپ-توبىنىڭ كونتسەرتى كەزىندە شامامەن 02:30-دا باستالعانىن حابارلادى.
جارىلعان پيروتەحنيكانىڭ اسەرىنەن كلۋبتىڭ توبەسى ورتەنىپ, وت تەز ارادا شاتىردى شارپىعان. كوك ءتۇتىن بۇكىل زالدى قاپتاپ كەتكەن. ءبىر-اق قانا شىعۋ ەسىگى بولعاندىقتان, ءبىراز ادام تاپتالىپ قالعان.