جوعارعى سوت توراعاسى اسلامبەك مەرعاليەۆ سولتۇستىك قازاقستان وبلىسىنىڭ سوت كورپۋسىنا وبلىستىق سوتتىڭ جاڭا توراعاسى سەرىكجان عابدۋليندى تانىستىردى, دەپ جازادى Egemen.kz.
ءىس-شاراعا وبلىس اكىمىنىڭ ءبىرىنشى ورىنباسارى مارات تاسماعانبەتوۆ, سۋديالار, وبلىستىڭ قۇقىق قورعاۋ ورگاندارىنىڭ ءبىرىنشى باسشىلارى جانە سوت اكىمشىلىگى دەپارتامەنتىنىڭ وكىلدەرى قاتىستى.
ا.مەرعاليەۆ س.عابدۋليننىڭ 25 جىلدىق سۋديالىق ءوتىلىن, ونىڭ 17 جىلىن ءبىرىنشى ساتىداعى سوتتاردا اتقارعانىن اتاپ ءوتتى.
توراعا س.عابدۋليننىڭ كاسىبي بىلىكتىلىگىن, سوت جۇيەسىندەگى كوپ جىلعى تاجىريبەسى مەن بەدەلىن سوت تورەلىگىن جۇزەگە اسىرۋ ساپاسىن قامتاماسىز ەتۋگە, زاڭ ۇستەمدىگىن نىعايتۋعا جانە سوتقا دەگەن سەنىمدى ارتتىرۋعا جۇمسايتىنىنا سەنىم ءبىلدىردى.
سولتۇستىك قازاقستان وبلىستىق سوتىنىڭ توراعاسى بولىپ تاعايىندالعان سەرىكجان جالەل ۇلى عابدۋلين 1970 جىلى تۇمەن وبلىسىندا (رەسەي فەدەراتسياسى) دۇنيەگە كەلگەن.
1996 جىلى ومبى مەملەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەن.
1993-1999 جىلدارى ىشكى ىستەر جانە پروكۋراتۋرا ورگاندارىندا قىزمەت ەتتكەن.
1999 - 2013 جىلدارى – پەتروپاۆل قالالىق سوتىنىڭ سۋدياسى, توراعاسى بولعان.
2013–2016 جىلدارى – سولتۇستىك قازاقستان وبلىسى اققايىڭ اۋداندىق سوتىنىڭ توراعاسى, 2016–2020 جىلدارى – سولتۇستىك قازاقستان وبلىستىق سوتىنىڭ سۋدياسى قىزمەتىن اتقارعان.
2020 جىلدان وسى قىزمەتكە تاعايىندالعانعا دەيىن اقمولا وبلىستىق سوتىنىڭ ازاماتتىق ىستەر جونىندەگى سوت القاسىنىڭ توراعاسى لاۋازىمىندا بولعان.