بۇگىن, 16 ناۋرىزدا قوستاناي وبلىسىنداعى رەسپۋبليكالىق ماڭىزى بار مارينوۆكا اۋىلىنا كىرەبەرىس جولعا قارعىن سۋ جايىلدى, دەپ حابارلايدى Egemen.kz.
«قازاۆتوجول» ۇلتتىق كومپانياسىنىڭ حابارلاۋىنشا, سۋ باسقان ۋچاسكەنىڭ جالپى ۇزىندىعى شامامەن 40 مەتر بولادى, ال تەرەڭدىگى – 10 سم.
بۇل ۋچاسكە قازاقستان مەن رەسەي اراسىنداعى بەيتاراپ اۋماقتاعى جەلقۋار وزەنىنىڭ (قۇرعاق ارنا) بويىندا ورنالاسقان. بۇل ۋچاسكەدە سۋ تاسقىنى جىل سايىن بولىپ تۇرادى.
اتالعان ۋچاسكەدە تاۋلىك بويى كەزەكشىلىك ۇيىمداستىرىلىپ, ەسكەرتۋ بەلگىلەرى قويىلعان. قاۋىپسىزدىكتى قامتاماسىز ەتۋ ءۇشىن 2 ارنايى تەحنيكا جانە 3 مامان جۇمىلدىرىلدى. ازىرگە جولمەن كولىكتەر ءجۇىرپ جاتىر, شەكتەۋ جوق.
ايتا كەتەيىك, بۇل جەر بەيتاراپ اۋماقتا ورنالاسقاندىقتان رەسەيمەن بىرلەسىپ كوپىر سالۋ جونىندە كەلىسسوزدەر جۇرگىزىلگەن.