جالعان شوت-فاكتۋرا تاپسىرعان بيزنەس وكىلدەرى باقىلاۋعا الىندى - مەملەكەتتىك كىرىستەر كوميتەتى

ەستەرىڭىزگە سالا كەتەيىك, بۇعان دەيىن تالداۋ قورىتىندىسى بويىنشا 633 سالىق تولەۋشىگە, ونىڭ ىشىندە 172 قۇرىلىس سالاسىندا جانە 102 ساۋدا سالاسىندا جۇمىس ىستەيتىن جانە وزگە دە كومپانيالارعا سالىق سالىناتىن كىرىستى تومەندەتۋ بەلگىلەرىمەن حابارلامالار قويىلعان بولاتىن.

سالىق تولەۋشىلەردى ىرىكتەۋ كەزىندە تومەن سالىق جۇكتەمەسى, ارناۋلى سالىق رەجيمىن قولداناتىن ءونىم بەرۋشىلەردە (مۇنداي ءونىم بەرۋشىلەرمەن ءوزارا ەسەپ ايىرىسۋ 150 ملن. تەڭگەدەن اسقان جاعدايدا) جالدامالى جۇمىسشىلارى مەن اكتيۆتەرىنىڭ بولماۋى, سونداي-اق ءوز قىزمەتكەرلەرىنەن جۇمىستار مەن قىزمەتتەردى ساتىپ الۋ جانە ولاردى كورسەتۋدىڭ تومەن ىقتيمالدىعىن كورسەتەتىن باسقا دا ولشەمشارتتار ەسكەرىلدى.

تاۋەكەلى جوعارى جەتكىزۋشىلەردىڭ تالداۋى جەرگىلىكتى سالىق ورگاندارىنا سالىق تولەۋشىلەرمەن سالىستىرۋ جۇرگىزۋ ءۇشىن جەتكىزىلدى.

مىسال رەتىندە, «ا» جشس 2022-2023 جىلدار كەزەڭىندە قۇرىلىس-مونتاجداۋ جۇمىستارى بويىنشا 1,6 ملرد تەڭگە سوماسىنا ءبىر مەزگىلدە وسى جشس-نىڭ قىزمەتكەرلەرى بولىپ تابىلاتىن 22 جك-مەن ءوزارا ەسەپ ايىرىسۋى بار.

بۇل رەتتە 688 ملن تەڭگەگە 11 جك-دە 1 جالدامالى قىزمەتكەر بار نەمەسە مۇلدەم جوق. بۇل رەتتە, كورسەتىلگەن قىزمەتتەر ايتارلىقتاي ەڭبەك رەسۋرستارىن تارتۋدى تالاپ ەتتى.

سونىمەن قاتار, 485 ملن تەڭگەگە 23 ءونىم بەرۋشى "ا" جشس-مەن ءبىر كومپيۋتەردەن (قۇرىلعىدان) سەن تاپسىرعان نەمەسە ەشف جازىپ بەرگەن. سونداي-اق, 15 ءونىم بەرۋشى 167 ملن تەڭگەگە مەنشىگىندە نەمەسە جالعا الۋىندا جوق ارنايى تەحنيكا مەن ءۇي-جايلاردى جالعا بەرۋ قىزمەتتەرىن كورسەتكەن.

مەملەكەتتىك كىرىستەر كوميتەتى سالىقتىق بۇزۋشىلىقتارعا قارسى ءوز قىزمەتىن جالعاستىرۋدا جانە سالىق تولەۋشىلەردى سالىقتاردى تولىق جانە ۋاقتىلى تولەۋ ارقىلى سالىق زاڭناماسىنىڭ تالاپتارىن قاتاڭ ساقتاۋعا شاقىرادى.

جالعان شوت-فاكتۋرالاردى جازىپ بەرۋ سالىق زاڭناماسىن بۇزۋ عانا ەمەس, سونىمەن قاتار قازاقستان رەسپۋبليكاسىنىڭ زاڭناماسىنا سايكەس قىلمىستىق جاۋاپتىلىققا اكەپ سوعاتىنىن قوسىمشا ەسكە سالامىز.