اتا-اناسىنىڭ ايتۋىنشا, كەشكى ۋاقىتتا بالا ءىشى اۋىرعانىن ايتىپ شاعىمدانعان. سودان ونى اۋرۋحاناعا الىپ كەلگەن, دەپ حابارلايدى Egemen.kz.
دارىگەرلەر بالانى باستان-اياق تەكسەرىپ, رەنتگەننەن بالانىڭ ىشىندە بوگدە زاتتىڭ بارىن بايقاعان. الايدا ەكران ارقىلى ۇشى ۇشكىر, ىشەككە جابىسىپ قالعان نە ەكەنىن انىقتاي الماعان. بالانىڭ جاعدايى ۋشىعىپ كەتكەندىكتەن وعان شۇعىل تۇردە وتا جاسالعان. سول كەزدە دارىگەرلەر ونىڭ ىشەك جولدارىنان ءتىس شۇقىعىشتى الىپ شىققان.
وڭەشتەن وتكەن ءتىس شۇقىعىش ىشەك جولىنىڭ ورتاسىنا كەلگەندە تىرەلىپ قالعان. ال ىشەككە بىتە قابىسىپ كەتكەنىنە قاراعاندا, بالا ونى بىرنەشە جىل بۇرىن جۇتىپ قويعان بولۋى مۇمكىن. قازىر بالانىڭ جاعدايى جاقسى.
- ۋزي, كت زەرتتەۋىندە ىسىك ءتارىزدى بوگدە دەنە بار دەگەن كۇمانمەن جەدەل وپەراتسياعا الىندى. دياگنوستيكا لاپاروسكوپيا كەزىندە ىسىك اشىلعاندا ۇزاق ۋاقىت بولعان بوگدە دەنەنىڭ ءتىس شۇقىعىش ەكەنى انىقتالدى, – دەيدى استانا قالالىق №2 كوپبەيىندى اۋرۋحانانىڭ حيرۋرگى اسەم شاكەەۆا.