باتىس قازاقستان وبلىسىنىڭ جانىبەك اۋدانىندا مەملەكەتتىك قىزمەتكەر زاڭسىز سىياقى الىپ, كەيىن ونى بيۋدجەتكە قايتاردى, دەپ حابارلايدى Egemen.kz.
«ديستسيپلينارلىق كەڭەس ارحيتەكتۋرا, قالا قۇرىلىسى جانە قۇرىلىس ءبولىمىنىڭ باسشىسى ماناربەك اديەۆتىڭ زاڭسىز ارەكەتىن قاراستىردى. ول 2024 جىلدىڭ جەلتوقسانىندا تاۋەلسىزدىك كۇنى مەن جاڭا جىل قارساڭىندا وزىنە 766 مىڭ تەڭگە كولەمىندە سىياقى تاعايىنداعان», — دەلىنگەن حابارلامادا.
پروكۋرور جاندوس قۋانىشبەكوۆتىڭ ايتۋىنشا, شەنەۋنىك بۇعان قۇقىعى بولماعان, سەبەبى وعان «اتقاراتىن قىزمەتىنە تولىق ساي ەمەس» دەگەن تارتىپتىك جازا قولدانىلعان.
«قىزمەتتىك تەرگەۋ بارىسىندا زاڭ بۇزۋشىلىق راستالدى, ال ماناربەك اديەۆ ءوز كىناسىن مويىندادى. ول «ابايسىزدا ۇمىتىپ كەتكەنىن» ايتىپ, اقتالدى. دەگەنمەن, زاڭسىز الىنعان سىياقىنى تولىعىمەن بيۋدجەتكە قايتاردى», — دەلىنگەن ماتەريالدا.
ەتيكا جونىندەگى كەڭەس توراعاسى مۇرات بايسالوۆ اديەۆتىڭ بۇل ارەكەتىن ورەسكەل زاڭبۇزۋشىلىق دەپ باعالاپ, ونى مەملەكەتتىك قىزمەتتەن بوساتۋدى ۇسىندى. ەندى ونىڭ تاعدىرىن جانىبەك اۋدانىنىڭ اكىمى شەشەدى.