قاسىم-جومارت توقاەۆ ۇلتتىق قۇرىلتايدىڭ IV وتىرىسىندا ەكى جىل بۇرىن باستالعان «جايلى مەكتەپ» ۇلتتىق جوباسىنىڭ ورىندالۋ بارىسىنا توقتالىپ, اقمولا وبلىسىن ۇلگى رەتىندە اتاپ ءوتتى, دەپ حابارلايدى Egemen.kz.
مەملەكەت باسشىسىنىڭ ايتۋىنشا, اتالعان ءوڭىر بارلىق مەكتەپ قۇرىلىسىن العاشقى بولىپ اياقتاپ, 12 مىڭنان استام وقۋشىعا ارنالعان جاڭا ءبىلىم وشاقتارىن اشتى. الايدا, باسقا وبلىستاردا قۇرىلىس جۇمىستارىنىڭ باياۋ جۇرۋىنە كوڭىلى تولماعان پرەزيدەنت ۇكىمەت پەن «سامۇرىق-قازىنا» قورىنا بۇل جۇمىستى جەدەلدەتۋدى تاپسىردى.
«باسقا وبلىستاردا قۇرىلىس بارىسى ءماز ەمەس. ۇكىمەت پەن «سامۇرىق-قازىنا» قورى بۇل جۇمىستى قولعا الۋى كەرەك. مەن تاياۋ ارادا تەكسەرەمىن», دەدى قاسىم-جومارت توقاەۆ.
سونىمەن قاتار, پرەزيدەنت بيىل ەلىمىزدە 500 مىڭ وقۋشىعا ارنالعان ەكى جۇزدەن استام مەكتەپ سالىناتىنىن مالىمدەدى.
«مىنا جايتتى قاپەردە ۇستاعان ءجون: بارلىق جەردە تەك «جايلى مەكتەپ» جوباسى اياسىندا مەكتەپ سالۋ مىندەتتى ەمەس. ساپالى سالىنعان قاراپايىم مەكتەپتەرگە دە سۇرانىس جوعارى. ءۇش جىلدا 1300, سونىڭ ىشىندە اۋىلداعى 900 ءبىلىم ورداسىن جاڭعىرتۋ قاجەت. جاڭا وقۋ جىلىنا دەيىن مەملەكەتتىك جانە جەكەمەنشىك مەكتەپتىڭ بارلىعى بالالاردىڭ قاۋىپسىزدىگىن قامتاماسىز ەتەتىن ارنايى قۇرالدارمەن جابدىقتالۋعا ءتيىس», دەدى مەملەكەت باسشىسى.