كولورادو شتاتىنىڭ دەنۆەر قالاسىنداعى اۋەجايدا American Airlines اۋە كومپانياسىنىڭ ۇشاعى قوزعالتقىشىنداعى اقاۋعا بايلانىستى ورتەنىپ كەتكەن, دەپ حابارلايدى Egemen.kz Fox News تەلەارناسىنا سىلتەمە جاساپ.
اقپاراتقا سايكەس, جولاۋشىلار ۇشاق قاناتى ارقىلى ەۆاكۋاتسيالانعان. ۇشاق كولورادو-سپرينگس اۋەجايىنان داللاس حالىقارالىق اۋەجايىنا باعىت العان, بىراق ءماجبۇرلى تۇردە دەنۆەر اۋەجايىنا قونعان.
«دەنۆەر حالىقارالىق اۋەجايىنا (DEN) ءساتتى قونعاننان كەيىن, American Airlines كومپانياسىنىڭ 1006-رەيسىندە قوزعالتقىش اقاۋى پايدا بولدى. ۇشاقتاعى 172 جولاۋشى مەن 6 ەكيپاج مۇشەسى ۇشاقتان ەۆاكۋاتسيالاندى», دەلىنگەن اۋە كومپانياسىنىڭ مالىمدەمەسىندە.
قازىرگى تاڭدا وقيعانىڭ ءمان-جايى انىقتالىپ جاتىر.