عىلىم جانە جوعارى ءبىلىم ءمينيسترى ساياسات نۇربەك ۇكىمەت وتىرىسىندا جاساندى ينتەللەكت سالاسىندا جۇمىس ىستەيتىن ستارتاپتاردىڭ جەدەل دامۋىنا ارنالعان «AI-Sana» باعدارلاماسىن ازىرلەۋ باستالعانىن جاريالادى.
باعدارلاما جاساندى ينتەللەكتىگە قاتىستى يننوۆاتسيالىق جوبالاردى قولداۋعا ارنالعان. ستارتاپتار ءۇشىن زياتكەرلىك كاپيتالدىڭ نەگىزگى كوزى ەلدىڭ جەتەكشى جوعارى وقۋ ورىندارى بولماق.
«بيىل 650 مىڭ ستۋدەنت جاساندى ينتەللەكت بويىنشا ارنايى كۋرستاردان وتەدى, ال ەكىنشى كەزەڭدە 100 مىڭ ستۋدەنت ستەنفورد جوعارى ءبىلىم مەكتەبىنىڭ باس تەحنيكالىق ديرەكتورى پول كيممەن بىرلەسىپ ازىرلەنگەن كۋرستاردى وقيدى. جىل سوڭىنا دەيىن جاساندى ينتەللەكت سالاسىندا 1-1,5 مىڭ ستارتاپ-كوماندا قۇرۋدى جوسپارلاپ وتىرمىز», دەدى ساياسات نۇربەك.
ايتا كەتەيىك, «AI-Sana» – ستۋدەنتتەردىڭ جاساندى ينتەللەكت سالاسىنداعى داعدىلارىن دامىتۋعا ارنالعان بىرەگەي باعدارلاما. اتالعان جوبا ۇلتتىق ەكونوميكانىڭ الەۋەتىن ارتتىرۋعا, تەحنولوگيالىق كاسىپكەرلىكتى قولداۋعا باعىتتالعان.