پانامانىڭ لا-بوكا اۋدانىندا ورنالاسقان مۇناي قويماسى ماڭىندا جانارماي تانكەرىندە كۇشتى جارىلىس پەن ءورت بولدى. وقيعا جاقىن ماڭداعى Panama Oil Terminals S.A. كومپانياسىنىڭ نىساندارى جانىندا تىركەلگەن, دەپ جازادى Egemen.kz.
الدىن الا مالىمەتكە سايكەس, وقيعا تانكەر بورتىندا شىققان ورتتەن باستالعان. جانعان وتىن كەيىن جارىلىسقا سەبەپ بولىپ, جالىن جاقىن تۇرعان بەنزين تاسۋشى كولىكتەرگە تاراعان.
پانامانىڭ ءورت ءسوندىرۋ قىزمەتى حابارلاعانداي, اپات سالدارىنان ءبىر ادام قازا تاپتى. مارقۇم – كومپانيا قىزمەتكەرى بولۋى مۇمكىن, ول ءورت پەن كەيىنگى جارىلىس كەزىندە تسيستەرنالار ىشىندە قالىپ قويعان.سولتۇستىك تەڭىزىندە مۇناي تانكەرى مەن جۇك كەمەسى سوقتىعىستى
سونىمەن قاتار بىرنەشە ادام جاراقات العان. الايدا ولاردىڭ ومىرىنە قاۋىپ جوق, قازىر ولار مەديتسينالىق مەكەمەلەردە تەكسەرۋدەن ءوتىپ جاتىر. كومپانيا قىزمەتكەرلەرى اراسىندا دا جەڭىل جاراقاتتار تىركەلگەن.
پاناما پروكۋراتۋراسى وقيعاعا بايلانىستى تەرگەۋ جۇمىستارىن باستادى. تەرگەۋ امەريكا كوپىرى ماڭىندا جۇرگىزىلىپ وتىر. ماماندار تەحنيكالىق ساراپتاما جۇرگىزىپ, دالەلدەر جيناۋدا جانە كۋاگەرلەردەن جاۋاپ الىنىپ جاتىر. ياعني, ىقتيمال كىنالى تۇلعالار جانە وقيعانىڭ ناقتى سەبەپتەرىن انىقتاۋ كوزدەلىپ وتىر.
يران دۋباي جاعالاۋىنداعى الىپ مۇناي تانكەرىنە سوققى جاسادى