ۇكىمەت وتىرىسىندا پرەمەر-مينيستر ولجاس بەكتەنوۆ الماتى قالاسىنداعى جەو-2 جانە جەو-3 نىساندارىن جاڭعىرتۋ بارىسىن تالقىلاپ, جۇمىستىڭ قارقىنى تومەندەمەۋ كەرەكتىگىن قاتاڭ ەسكەرتتى. سونىمەن قاتار, جوبالاردىڭ بەلگىلەنگەن مەرزىمدە اياقتالۋىن قامتاماسىز ەتۋ تاپسىرىلدى, دەپ حابارلايدى Egemen.kz.
پرەمەر-مينيسترگە كەلىپ تۇسكەن اقپاراتقا سايكەس, الماتىداعى جەو-2 جانە جەو-3 بويىنشا جۇمىستاردىڭ قارقىنى باسەڭدەگەنى تۋرالى مالىمەتتەر بار. وسىعان بايلانىستى ۇكىمەت باسشىسى ناقتى سۇراق قويدى.
«الماتىداعى جەو-2 جانە جەو-3 بويىنشا قانداي جۇمىستار جۇرگىزىلىپ جاتىر؟ ماعان جۇمىس قارقىنى تومەندەپ كەتتى دەگەن اقپارات ءتۇستى», دەدى ولجاس بەكتەنوۆ.
جوبانى جۇزەگە اسىرۋعا جاۋاپتى سامۇرىق-ەنەرگو باسقارما توراعاسى قايرات ماقسۇتوۆ جۇمىستاردىڭ ۇكىمەت باقىلاۋىندا ەكەنىن اتاپ ءوتتى.
ونىڭ ايتۋىنشا, مەردىگەر ۇيىمعا قۇرىلىس قارقىنىن ارتتىرۋ جانە جۇمىس كەستەسىن كۇشەيتۋ تاپسىرىلعان. نىسانداردا ءۇش اۋىسىمدى جۇمىس رەجيمى ەنگىزىلىپ, 1,5 مىڭنان استام جۇمىسشى تارتىلعان. سونداي-اق, جوبالارعا قاجەتتى نەگىزگى جابدىقتار جەتكىزىلگەن.
الماتى جىلۋ ەلەكتر ورتالىقتارىنىڭ تولىعىمەن گازعا كوشىرىلەتىن ۋاقىتى بەلگىلى بولدى
ۇكىمەت باسشىسى جوبانىڭ ماڭىزدىلىعىن ەرەكشە اتاپ ءوتىپ, ءار كەزەڭنىڭ ساپالى جانە ۋاقتىلى ورىندالۋىن تالاپ ەتتى.
«رومان ۆاسيلەۆيچ, ءىس باسىنا بارىپ تەكسەرىڭىز, سوسىن ناتيجەسىن بايانداڭىز. وبەكتيۆتى اقپارات كەرەك», دەپ تاپسىردى ولجاس بەكتەنوۆ.
جيىن بارىسىندا جۇمىستىڭ اياقتالۋ مەرزىمىنىڭ بۇزىلۋىنا جول بەرمەۋ باستى باسىمدىق رەتىندە بەلگىلەندى. ۇكىمەت ەنەرگەتيكالىق ينفراقۇرىلىمدى جاڭعىرتۋ جوبالارىنىڭ ستراتەگيالىق ماڭىزىن ەسكەرە وتىرىپ, بارلىق جۇمىستاردىڭ قاتاڭ باقىلاۋدا بولاتىنىن جەتكىزدى.
وسىلايشا, الماتىداعى جىلۋ ەلەكتر ورتالىقتارىن جاڭعىرتۋ بويىنشا جۇمىستار ۇكىمەتتىڭ تۇراقتى نازارىندا قالىپ وتىر, ال جاۋاپتى ورگاندارعا جوبانى ۋاقىتىندا ءارى ساپالى اياقتاۋ مىندەتى جۇكتەلدى.
شىعىستا جىلۋ جۇيەسىنە كۇن ەنەرگياسى تەحنولوگيالارى ەنگىزىلىپ جاتىر