قازاقستاننىڭ ورنىقتىلىق قورى ازاماتتاردى «7-20-25» تۇرعىن ءۇي يپوتەكالىق باعدارلاماسىنىڭ اينالاسىندا ارەكەت ەتەتىن ءتۇرلى دەلدالدار مەن كۇماندى تۇلعالارعا ساقتىقپەن قاراۋعا شاقىردى, دەپ جازادى Egemen.kz.
قازىر باعدارلاماعا قاتىسۋشى بانكتەردىڭ باسىم بولىگى وتىنىمدەردى قابىلداۋدىڭ تولىق ونلاين فورماتىنا كوشتى. بۇل اشىقتىقتى قامتاماسىز ەتىپ, بارشاعا بىردەي تەڭ قولجەتىمدى بولىپ, وتىنىمدەردى قاراۋ پروتسەسىنە ارالاسۋ مۇمكىندىگىن جويدى. ونلاين-كەزەك اۆتوماتتى تۇردە قالىپتاسادى. قور ءوزىن يپوتەكالىق بروكەر, كەڭەسشى نەمەسە دەلدال رەتىندە تانىستىراتىن «كومەكشىلەر» تاراپىنان الاياقتىق جاعدايلارىنىڭ جيىلەپ كەتكەنىن جەتكىزدى.
باسپاناعا قاتىستى جاڭا الاياقتىق سحەما: ءىىم قازاقستاندىقتارعا ەسكەرتۋ جاسادى
«7-20-25» باعدارلاماسىنىڭ تانىمالدىلىعىن پايدالانا وتىرىپ, ولار سىياقىعا كەزەكتى «جەدەلدەتۋدى», ورىن «برونداۋدى», نەسيەنى «ماقۇلداتۋعا كەپىلدىك بەرۋدى» نەمەسە بانكتەردىڭ ليميتتەرىن «الىپ بەرۋدى» ۇسىنادى. الايدا, بۇل جالعان قىزمەت. سەبەبى باعدارلاما اياسىندا بانكتەردىڭ ءوتىنىم قابىلداۋ پروتسەسى تولىق اۆتوماتتاندىرىلعان جانە وعان سىرتتان اسەر ەتۋ مۇمكىن ەمەس. بانكتەر دە ءوز قۇزىرەتى شەڭبەرىندە مۇنداي قۇقىقبۇزۋشىلىقتارمەن كۇرەس جۇرگىزىپ جاتىر. ەشكىمگە اقشا تولەمەي, ءوزىڭىز يپوتەكاعا ءوتىنىم بەرە الاسىز. بۇل تەز, تەگىن جانە دەلدالدارسىز جۇزەگە اسادى. كۇماندى دەلدالدارمەن بايلانىسقا تۇسپەۋدى جانە ولارعا اقشا بەرمەۋدى وتىنەمىز», دەلىنگەن قور تاراتقان حابارلامادا.
الاياقتىقتىڭ جاڭا ءتاسىلى تارادى: قاسكۇنەمدەر داۋىسىن وزگەرتىپ, سەنىمگە كىرەدى
سونداي-اق قۇرىلىس كومپانيالارىنىڭ ساتۋ بولىمىندەگى مەنەدجەرلەر سىياقى سۇراپ, پاتەر تاڭداۋعا نەمەسە يپوتەكا راسىمدەۋگە كومەك ۇسىنسا, كوپ جاعدايدا كومپانيا باسشىلىعى ءوز قىزمەتكەرلەرىنىڭ مۇنداي الاياقتىق ارەكەتتەرىنەن حابارسىز بولىپ كەلەدى. مۇنداي جاعدايلاردا تىكەلەي قۇرىلىس كومپانياسىنىڭ باسشىلىعىنا شاعىمدانۋعا بولادى.
«ەگەر سىزگە قازاقستاننىڭ ورنىقتىلىق قورى اتىنان مەسسەندجەرلەردە, سونىڭ ىشىندە WhatsApp ارقىلى حابارلاما كەلسە ونداعى سىلتەمەلەرگە وتپەڭىز. مۇنداي كەزدە حابارلامانى جويىپ, جىبەرۋشىنى بۇعاتتاۋ ۇسىنىلادى. الاياقتار زياندى سىلتەمەلەر نەمەسە فايلدار جىبەرۋى مۇمكىن, بۇل قۇرىلعىنىڭ بۇزىلۋىنا جانە جەكە دەرەكتەردىڭ تارالۋىنا اكەلۋى ىقتيمال. قور قىزمەتكەرلەرى جەكە تۇلعالارمەن مەسسەندجەرلەر ارقىلى بايلانىسپايدى», دەپ ءتۇسىندىردى قوردىڭ ءباسپاسوز قىزمەتى.
تاۋلىگىنە 690 دوللار تابىس: ەلەكتروساموكات ارقىلى جاسالعان الاياقتىق اشكەرە بولدى