پاۆلودار وبلىسى اققۋلى اۋدانىنىڭ اۋماعىندا قاتتى تۇرمىستىق قالدىقتاردىڭ جيىرمادان استام پوليگونى انىقتالدى. قوقىس توگىلگەن ورىندار ەكولوگيالىق-سانيتاريالىق تالاپتارعا ساي بولماعان ءارى نورماتيۆتىك-تەحنيكالىق قۇجاتى بولماعان, دەپ جازادى Egemen.kz.
سونداي-اق قورشاعان ورتاعا تەرىس اسەردىڭ الدىن الۋ ءۇشىن جيناقتالعان قالدىقتاردان تۇزىلەتىن فيلترات پەن اعىن سۋلاردى باقىلاۋ جۇيەسىنىڭ جولعا قويىلماعانى بەلگىلى بولدى.
وزدىگىنەن پايدا بولعان پوليگوندار قوقىس گازىنىڭ شىعارىندىلارىن باقىلاۋ جۇيەسىمەن جابدىقتالماعان.
«جاڭا ادامدار» قوزعالىسىنىڭ بەلسەندىلەرى ۇلكەن الماتى وزەنىنىڭ جاعالاۋىنان 20 توننا قوقىس جينادى
انىقتالعانداي, ولار كوممۋنالدىق قالدىقتاردى رۇقساتسىز توگۋ سالدارىنان پايدا بولعان. ال جەرگىلىكتى اتقارۋشى ورگاندار كوممۋنالدىق قالدىقتاردى باسقارۋ كەزىندە ەكولوگيالىق تالاپتاردىڭ ساقتالۋىن قاداعالاماعان.
ناتيجەسىندە 8 اۋىلدىق وكرۋگتىڭ اكىمدەرى اكىمشىلىك جاۋاپكەرشىلىككە تارتىلىپ, جالپى سوماسى 1,7 ملن تەڭگە كولەمىندە ايىپپۇلدار تولەگەن.
تازارۋ كۇنى ەل اۋماعىنان 2,7 توننا قوقىس جينالدى